|
Beatriz d'Aragón
Beatriz d'Aragón, naixita de Nápols (hue Campania, Italia) o 14 de setiembre de 1457 y muerta en Nápols o 23 de setiembre de 1508, estió reina d'Hongría por o suyo matrimonio con Matías Corvín, o rei d'ixe país como Matías I d'Hongría. Matrimonio con Matías CorvínBeatriz yera filla de Ferrando I, rei de Nápols, y d'a suya muller Isabel de Chiaromonte, y casó con Matías Corvín en 1475. Estió a introductora en Hongría d'o Renaiximiento, por o suyo mecenache a artistas y escritors italianos ta que s'establisen en o país. Sindembargo, Beatriz no tenió fillos d'o suyo matrimonio con o rei Matías, y iste nombró o suyo hereu a o suyo fillo ilechitimo Chuan. Dimpués d'a muerte imprevista en Viena de Matías o 6 d'abril de 1490, Beatriz estorbó ta que Chuan Corvín no sucediese a su pai. Matrimonio con Ladislau II de BohemiaAsinas, o 4 d'octubre de 1490, Beatriz d'Aragón casó con Ladislau II, rei de Bohemia en Esztergom debant o bispe Tamás Bakócz, encara que o matrimonio yera secreto. O exilioDimpués, cuan Ladislau heba consolidato a corona de Hongría, utilizó una escusa tecnica ta solicitar y obtener l'anulación d'o matrimonio, cosa que concedió o Papa Aleixandre III en1500. Ladislau II casó con Ana de Foix y obligó en 1501 a Beatriz a retornar a o reino de Nápols, y Beatriz morió o 23 de setiembre de 1508 en a capital d'o reino, a ciudat de Nápols.
|
||||||||||||||||||||||||||||||
Portal di Ensiklopedia Dunia
