|
Bayona-Anglet-Biàrritz
Bayona-Anglet-Biàrritz u Baixo Ador, tamién a sobén se fa servir l'abreviadura BAB (en basco Baiona-Angelu-Biarritz; en occitán Baiona-Anglet-Biàrritz u Baish Ador/Bas Ador; en francés Communauté d'agglomération de Bayonne-Anglet-Biarritz) ye una comarca situata en o departamento francés d'os Pireneus Atlanticos y que perteneixe d'una man a la provincia basca de Labort y d'atra man a lo país occitán de Gascunya, seguntes afirman os movimientos vasquistas u occitanistas. Se troba chunto a la mar Cantabrica en a costa d'o golfo de Bizcaya, estando lo trampo baixo d'o río Ador, de que prene o suyo nombre en occitán. As suyas ciudaz prencipals son Bayona, Anglet y Biàrritz, que forman una aria metropolitana que teneba en 1999 una población de bels 105.396 habitants y una superficie de 6.027 hectarias. LuengasA luenga tradicional d'o Baixo Ador ye o dialecto gascón de l'occitán seguntes as enquestas filolochicas d'os sieglos XIX y XX (se veiga en particular l'Atlas linguistique de la Gascogne), encara que hue bi ha una important presencia d'o basco debita a una immigración rural recient d'atras partis d'o País Basco. Manimenos a luenga dominant bi ye o francés dende o sieglo XX. Os movimientos culturals locals revindican l'occitán y o basco y ya han obtenito en bel puesto una sinyalización trilingüe.
|
||||||||||||||||||||||||
