Aragonario

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Aragonario ye un diccionario online castellano-aragonés/aragonés-castellano creyau per "Turismo d'Aragón" y la "Dirección Cheneral de Politica Lingüistica" en o marco d'o prochecto europeu LINGUATEC.[1]

Etimolochía

Aragonario prene lo suyo nombre d'a chunta d'as parolas aragonés y diccionario: ARAGO(nés)(diccio)NARIO.

Descripción

Ye basau en o Vocabulario básico bilingüe aragonés-castellano y castellano-aragonés d'Antón Martínez.[2]

Historia

Prencipió a funcionar en abril de 2019 con 8.653 parolas. En chulio de 2019 se lanzó la versión 2.0 con 17.808 parolas y incorporando antimás a traducción a l'aragonés benasqués. En aviento de 2019 teneba un meya de 1000 vesitas diarias.[3] En chinero de 2020 se lanzó a versión 3.0 que teneba 23.212 dentradas.[4] A versión 4.0 se lanzó en febrero de 2021 y teneba 40.481 dentradas aragonés-castellano, 26.449 dentradas castellano-aragonés y un conchugador de verbos.[5]

Referencias

1. (es) 'Aragonario', el diccionario 'online' de la lengua aragonesa, añade un 'conchugador' en Heraldo de Aragón
2. (es) EL PERIÓDICO estrena Aragonario, el diccionario de aragonés online en El Periódico de Aragón
3. (es) "La página web 'Lenguas de Aragón' supera el millón de visitas" en Heraldo de Aragón
4. (es) "La tercera versión del 'Aragonario' incorpora 5.404 nuevas entradas en castellano y las variedades comarcales aragonesas" en 20minutos.es
5. (es) El Aragonario crece con la incorporación de un "conchugador" y nuevas entradas en castellano en Arainfo

Vinclo externo

• (es) / (an) Aragonario

• Datos: Q97248069