Antonio Bergosa y Jordán

Antonio Bergosa y Jordán
Arcebispe de Tarragona y bispe d'Antequera
O bispe d'Antequera Antonio Bergosa y Jordán, en una pintura en a seu de Nuestra Sinyora de l'Asumpción d'Oaxaca.
Arcebispe de Tarragona
15 de noviembre de 1817-18 de chulio de 1819
Predecesor	Romualdo Mon y Velarde
Succesor	Jaime Creus Martí
Bispe d'Antequera
23 de febrero de 1801-15 de noviembre de 1817
Predecesor	Gregorio José de Omaña y Sotomayor
Succesor	Manuel Isidoro Pérez Sánchez
Naixencia	21 de febrero de 1748 Chaca (Chacetania, Uesca, Aragón)
Muerte	18 de chulio de 1819 Biescas (Alto Galligo, Uesca, Aragón)

Antonio Bergosa y Jordán, naixiu de Chaca (Chacetania, Uesca, Aragón) o 21 de febrero de 1748 y muerto en Biescas (Alto Galligo, Uesca, Aragón) o 18 de chulio de 1819, estió un bispe y arcebispe aragonés, que estió bispe d'Antequera (1801-1817) y arcebispe de Tarragona (de 1817 dica la suya muerte).

Bispe d'Antequera

Formau en Espanya, s'ordenó sacerdote en 1773, estando nombrau bispe d'Antequera (en Mexico) lo 23 de febrero de 1801, prenendo posesión d'o cargo lo 2 de mayo d'ixe mesmo anyo.

Partidario d'a Ilustración, estió defensor d'a constitución espanyola de 1812 y contrario a la independencia de Mexico, plegando a afirmar de Miguel Hidalgo que yera un "protoapoderau de Satanás y de l'infierno".[1] Tamién mientres a conquista d'Oaxaca lo 25 de noviembre de 1812 luitó contra los sublevaus mandaus por José María Morelos.[2]

Encara que lo nombroron arcebispe de Mexico, mai no plegó a prener posesión d'ixe cargo. Estió miembro d'a Inquisición dica que las Corz de Cádiz l'abolioron en 1813, pero tornó a estar-ne en chulio de 1814 cuan Ferrando VII la restauró. Tanimientres, fue destituyiu en haber refirmau a Constitución de 1812 y se veyó obligau a churar fidelidat a lo rei.[3]

En noviembre de 1815 colaboró en o decreto d'o Tribunal d'a Inquisición que condenó a Morelos a la degradación relichiosa, estando a lo cudiau d'a execución d'a sentencia:[4]

Apartamos de tú a facultat d'ufrir o sacrificio a Dios y de celebrar a misa. Con isra radedura te quitamos a potestat, que hebas recibiu en a unción d'as mans. Te despullamos con razón d'o vestiu sacerdotal. Te privamos de l'orden leviticoporque no compliste lo tuyo ministerio endintro d'él. Como a fillo ingrato, t'aventamos de l'herencio d'o sinyor

Antonio Bergosa y Jordán, 27 de noviembre de 1815

Arcebispe de Tarragona

O 15 de noviembre de 1817 lo nombroron arcebispe de Tarragona.

Morió lo 18 de chulio de 1819 en Biescas (Alto Galligo, Uesca, Aragón).

Predecesor: Romualdo Mon y Velarde	Arcebispe de Tarragona 1817 - 1819	Succesor: Jaime Creus Martí
Predecesor: Gregorio José de Omaña y Sotomayor	Bispe d'Antequera 1801 - 1817	Succesor: Manuel Isidoro Pérez Sánchez

Referencias

1. Álvarez, 1978, p. 99.
2. Herrera, 1985, p. 145.
3. Herrera, 1985, p. 147.
4. Krauze, 1994, p. 91.

Bibliografía

• (es) José Rogelio Álvarez: Bergosa y Jordán, Antonio, en a Enciclopedia de México, vol. 2. Mexico, Compañía Editora de Enciclopedias de México.
• (es) José Herrera Peña: Morelos ante sus jueces, Mexico, Editorial Porrúa, 1985. ISBN 968-452-066-2.
• (es) Enrique Krauze: Trilogía histórica de México: siglo de caudillos, Mexico, Tusquets Editores, 1994. ISBN 978-847-22-3413-0.

Vinclos externos

• (en) Archbishop Antonio Bergosa y Jordán, en Catholic Hierarchy.

• Datos: Q5697849