|
Alphonse Juin
Alphonse Pierre Juin, naixito de Bônne (Alcheria francesa, hue Annaba en Alcheria) o 16 d'aviento de 1888 y muerto en París o 27 de chinero de 1967, estió un militar francés, que plegó en l'Exercito francés dica o ran de mariscal de Francia. Alphonse Juin luitó en a Primera Guerra Mundial, partecipando en bellas batallas, como a primera batalla d'o Marne, estando ferito en 1915. Continó a suya carrera militar, plegando a cheneral en 1938, mandando en primerías d'a Segunda Guerra Mundial a 15ª División d'Infantería y partecipando en a Operación Dynamo en 1940 mientres a batalla de Francia, a on fue feito presonero por as tropas d'a Wehrmacht d'o Tercer Reich. Liberato o 15 de chunio de 1941, s'adhibió a l'Exercito de Vichèi d'a Francia de Vichèi, ocupando-ie cargos destacatos, incorporando-se a la Francia Libre nomás que en noviembre de 1942, cuan os Aliaus invadioron Africa d'o Norte en a Operación Torch. En 1943 mandó as tropas francesas que luitaban en Italia (cuatre divisions, destacando a suya partecipación en a batalla de Montecassino, a on presionó ta que se bombardeyase o monesterio de Montecassino. O 14 de chulio de 1952 se convertió en mariscal de Francia.
|
||||||||||||||||||||||||||||||||||
.svg){kind=small}
