|
Acer campestre
Acer campestre (L., 1758) ye una especie d'acirón que habita puestos humidos, estando la que mes abunda en Europa Central y Europa Atlantica sin de necesidat de creixer en puestos altos (se i troba en as planas y tierras baixas) pero que en a Europa meridional y mediterrania se circunscribe en as rechions de montanya. En os Pireneus espanyols se'n i gosa trobar eixemplars anisolatos en as caixigosas y faberas con cierta frecuencia, pero en a tierra baixa aragonesa ye una especie que tansament se i troba. En Aragón le se i sole decir acirón u escarroner coma toz os árbols y arbustos d'o suyo chenero, sin fer-ne garra destinción con un adchectivo que l'acompanye. Nomás en a localidat benasquesa de Castillón de Sos se i ye puesto replegar un adchectivo, que ye «asirón bllanco»,[2] anque una eventual cheneralización d'ixe adchetivo en aragonés ofreixeriba muitas dudas. Galería d'imachens
Vinclos externos
Referencias
|
||||||||||||||||||||||||||||||||||||||||
