|
28 panfilovtsev
28 панфиловцев (títol orichinal en ruso, transliterau como 28 panfilovtsev, en aragonés Os 28 de Panfilov, enguerada en Aragón com o títol traduciu enta lo castellano de Los 28 de Panfilov u Los 28 hombres de Panfilov, y conoixida internacionalment con o suyo títol traduciu enta l'anglés de Panfilov's 28 Men) ye una cinta de epica belica de cine ruso de l'anyo 2016 dirichida por Kim Druzhinin y Andrey Shalopa seguntes un guión orichinal d'iste zaguero (basau en una noticia d'o periodista de guerra ruso Vasiliy Koroteev publicada en o diario Krasnaya Zvezda), con una Banda Sonora Orichinal de Mikhail Kostylev, una dirección de fotografía de Nikita Rozhdestvenskiy, una producción cinematografica d'Anton Yudintsev y Andrey Shalopa ta las productoras Panfilov's Twenty Eight y Gaijin Entertainment, y con un elenco d'actors formau, entre d'atros, por Aleksandr Ustyugov, Yakov Kucherevskiy, Azamat Nigmanov, Oleg Fyodorov y Aleksey Morozov. A cinta s'ambienta en a batalla de Moscú mientres a Segunda Guerra Mundial y conta la historia real d'os 28 soldaus d'a Guardia de Panfilov, un grupo de 28 soldaus d'a 316ena División de Fusilers de l'Exercito Royo que en noviembre de 1941 se troban baixo lo mando d'o cheneral Ivan Panfilov y han de frenar l'abance d'una columna de tropas d'a Wehrmacht alemana formada por 54 tanques y bels centenars de soldaus alemans, encara que no poseyen armamento pesau ta fer frent a l'ataque, que pretendeba cubrir o flanco d'a 11. Panzer-Division alemana contra la ciudat de Moscú. 28 панфиловцев se rodó en escenarios naturals d'os arredols de Moscú y en ixa mesma ciudat, en os arredols de Sant Petersburgo y en Ivanovo (provincia d'Ivanovo) y tenió un important exito de publico en Rusia y atros países d'a Comunidat d'Estaus Independients. Elenco[2]
Se veiga tamiénReferenciasVinclos externos
|
||||||||||||||||||||||||||||||||||||||||||||||||||||||||||
Portal di Ensiklopedia Dunia
