|
10 km marcha en os Chuegos Olimpicos de París 1924
 Os 10 km marcha en os Chuegos Olimpicos de París 1924 estió una cursa atletica d'a preba de marcha atletica que fació parte d'o programa de l'atletismo en os Chuegos Olimpicos de 1924. Ista cursa ye una preba en a que s'ha de fer una distancia de 10 kilometros libres d'obstaclos, o mes rapido posible seguntes as reglas d'a marcha atletica. Estió a unica preba de marcha atletica en istos Chuegos Olimpicos y no tornó a fer-se dica os Chuegos Olimpicos de 1948, cal destacar que no habió garra preba femenina. A competición se fació dende o mierques 9 de chulio dica o sabato 13 de chulio de 1924 fen-do vueltas en a pista d'o Estadio Olimpico Yves-du-Manoir que teneba una distancia de 500 metros. Prencipiaron a competición 25 atletas de 13 países que estioron repartius en dos semifinals en as que se clasificaron ta a final toz os atletas que no estioron descalificaus por marcha irregular. Os tres primeros clasificatos estioron Ugo Frigerio con 47:49.0, Gordon Goodwin con 48:37.9 y Cecil McMaster con 49:08.0, ganado as medallas d'oro, archent y bronce respectivament. Medallistas
RécordsOs récords d'a preba en o termino d'a competicions d'os Chuegos yeran:
Formato de competiciónA competición se desembolicó con o sistema de dos semifinals en as que os que cinco primers abanzoron ta la final. As dos finals se disputoron en días diferents, a primera en o día 9 de chulio y a segunda o día 11, os atletas que avanzoron ta la final compitioron o día 13. Os atletas tenioron que fer 20 voltas a la pista de 500 metros ta completar a distancia de 10 km. ClasificacionsSemifinal 1 A primera semifinal se fació o diya mierques 9 de chulio de 1924 y clasificoron ta a final os cinco primers. Nomás se conoixen os tiempos d'os d'os primers y d'atros tres se conoixen as distancias entre éls.
Semifinal 2A segona semifinal se fació o diya viernes 11 de chulio de 1924 y claseficoron ta a final os cinco primers. Nomás se conoix o tiempos d'o primer y d'o segundo se conoixen a distancias con o primer. Dimpués d'una reclamación contra a descalificación de Rudolf Kühnel se l'hi deixa sortir tamién en ista semifinal anque tamién fue descalificau.
Final A final se fació o sabato 13 de chulio de 1924 y parteciparon diez atletas, os cinco primers de cada semifinal. O ganador estió Ugo Frigerio esfensor d'o títol y ganador d'a segona semifinal, segundo Gordon Goodwin y tercer o sudafricano Cecil McMaster, ganando as medallas d'oro, archent y bronce respectivament.
Vinclos externos
|
.svg){kind=small}
.svg){kind=small}
.svg){kind=small}
.svg){kind=small}
Portal di Ensiklopedia Dunia
