Светлана Журавлёва

Светлана Журавлёва
Туган	7 апрель 1960(1960-04-07) (64 яшь) Түбән Новгород, РСФСР, СССР
Ватандашлыгы	СССР  Россия
Әлма-матер	Башкорт дәүләт университеты
Эш бирүче	Мәскәү физика-техник институты
Гыйльми дәрәҗә:	Биология фәннәре кандидаты (1999)

Журавлева Светлана Евгеньевна (7 апрель 1960 ел) — спортчы. 1984-1991 елларда СССРның парашют спорты буенча җыелма командасы әгъзасы. Биология фәннәре кандидаты (1999). Парашют спорты буенча СССРның халыкара класслы спорт мастеры (1989). Башкортстан Республикасының күренекле спортчысы (1997).

Биографиясе

Светлана Евгеньевна Журавлева 1960 елның 7 апрелендә Горький шәһәрендә туган. Күренекле химик-галим Е. Ф. Журавлевның кызы. 1984 елда Башкорт дәүләт университетын тәмамлаган. Һөнәре буенча биолог. Светлана Журавлева бала чактан спорт белән мавыга. Россия ДОСААФның авиацион спорт клубы, авиацион-техник спорт клубы тәрбияләнүчесе (тренеры А. К. Котенков). Парашют спорт төре буенча яхшы нәтиҗәләргә ирешә. СССР җыелма командасы әгъзасы (1984-1991).

1999 елда «Синтаксономическое обоснование выбора охраняемых растительных сообществ: На примере некоторых сообществ Республики Башкортостан» темасы буенча кандидатлык диссертациясе яклый[1].

Мәскәү физика-техник институтының молекуляр һәм биологик физика факультетында эшли, биохимия физикасы кафедрасы доценты [2].

Парашют спортында казанышлары

• Аерым күнекмәләр буенча РСФСРның абсолют чемпионы (1991);
• Җиде тапкыр СССР чемпионы (1985, 1986, 1987, 1988, 1989, 1990, 1991);
• Ике тапкыр СССР халыклары спартакиадасы чемпионы (1991);
• РСФСР (1988-1991) чемпионы;
• СССР чемпионаты призеры (1987);
• РСФСР халыклары спартакиадасының (1990) көмеш призеры;
• «Крылья Родины» журналы призына халыкара ярышларның абсолют җиңүчесе (1988;
• Болгариядә халыкара ярышларда җиңүче (София, 1988);
• 1000 м биеклектән төркемләп сикерүдә дөнья рекордчысы (1988).

Мактаулы исемнәре һәм башка бүләкләре

• Парашют спорты буенча СССРның халыкара класслы спорт мастеры (1989)
• Башкортстан Республикасының күренекле спортчысы (1997).

Искәрмәләр

1. Диссертация
2. МФТИ, archived from the original on 2019-12-15, retrieved 2021-05-05 

Сылтамалар

• Журавлёва Светлана Евгеньевна // Башҡорт энциклопедиясе — Уфа: «Башкорт энциклопедиясе» гыйльми-нәшрият комплексы, 2015—2020. — ISBN 978-5-88185-143-9.