Роза Җаббарова

Роза Җаббарова
Файл:.jpg
Туган телдә исем	Роза Шәрифулла кызы Җаббарова
Туган	19 февраль 1960(1960-02-19) (64 яшь) СССР, РСФСР, ТАССР, Алексеевск районы, Зур Тигәнәле
Милләт	татар
Ватандашлыгы	СССР РФ
Һөнәре	«Горводзеленхоз» Тресты МУП идарәчесе
Бүләк һәм премияләре	II дәрәҗә «Ватан алдында казанышлар өчен» орденының медале Казанның мактаулы гражданины (2024)

Роза Шәрифулла кызы Җаббарова (1960 елның 19 феврале, СССР, РСФСР, ТАССР, Алексеевск районы, Зур Тигәнәле) ― «Горводзеленхоз» Тресты МУП идарәчесе. Россия Торак-коммуналь хуҗалыгының мактаулы хезмәткәре, ТР Торак-коммуналь хуҗалыгының атказанган хезмәткәре. Казанның мактаулы гражданины (2024). Россиянең атказанган торак-коммуналь хуҗалык хезмәткәре (2025).

Тәрҗемәи хәле

Роза Шәрифулла кызы Җаббарова 1960 елның 19 февралендә ТАССР ның Алексеевск районы Зур Тигәнәле авылында дөньяга килә. Балачактан ук максатчан, үҗәт булуы белән апаларыннан аерылып тора. Туган авылында сигезьеллык, күрше Урта Тигәнәледә урта мәктәпне тәмамлагач, Казанга юл тота. Биредә ул төзү техникумын тәмамлый. Әмма хыялына тугры калып, Куйбышев шәһәрендә стюардессалар хәзерләү курсына керә. Махсус сайлап алу комиссиясе аша үткәч, ул башта якын араларга, соңыннан ерак рейсларда пассажирларга хезмәт күрсәтә. Биш ел күкләр киңлеген колачлый.

Әмма гаилә корып, кызы Регина тугач, җиргә төшә. Казан елга техникумын, аннан соң Мәскәү Хезмәт һәм социаль мөнәсәбәтләр академиясенең юридик факультетын тәмамлый.

1984 елдан «Горводзеленхоз» МУП ында кадрлар бүлегенең өлкән инспекторы булып эшли башлый. 1997 — 1999 елларда әлеге трест җитәкчесе урынбасары була. Ә 1999 елдан аңа трестны җитәкләүне тапшыралар. 2007 — 2010 елларда Роза Шәрифулла кызы — Казан шәһәренең Тышкы төзекләндерү комитеты рәисе.

Җаббарова Р.Ш. бишенче һәм алтынчы чакырылыш ТР Дәүләт Советы депутаты, I һәм II чакырылыш Казан шәһәр Думасы депутаты.

Бүләкләре, мактаулы исемнәре

• Россия Торак-коммуналь хуҗалыгының мактаулы хезмәткәре
• ТР Торак-коммуналь хуҗалыгының атказанган хезмәткәре
• «Ел хатын-кызы» бәйгесенең «Хатын-кыз-лидер, җәмәгать эшлеклесе» номинациясендә җиңүче
• «Ел җитәкчесе 2013» Республика иҗтимагый бәйгесе лауреаты.
• «Ватан алдында казанышлары өчен» орденының II дәрәҗә медале
• «Казанның 1000 еллыгына» медале
• «Казан төзеклеге өчен хезмәт һәм батырлыгы өчен» билгесе
• Казанның мактаулы гражданины (2024) ― республика башкаласын төзекләндерүгә, аның табигый-рекреацион каркасын үстерүгә зур өлеш кертүе өчен[1]
• 2025 ― Россиянең атказанган торак-коммуналь хуҗалык хезмәткәре[2]

Искәрмәләр

1. 30 августтагы бәйрәм чаралары: 1000 гармунчы, ат чабышы, Дима Билан һәм «Елмай». Интертат (20 августа 2024). 20 августа 2024 тикшерелгән.
2. Путин Татарстанда яшәүче 17 кешене орден һәм мактаулы исемнәр белән бүләкләде. Татар-информ, 25.01.2025

Сылтамалар