Нихон Хиданкё

Нихон Хиданкё
Nihon Hidankyō
Адресы:	Минато, Токио, Япония
Оешма төре:	инициатив төркем
Җитәкчеләр
Башкарма директор	Суекичи Кидо^[d]
Нигезләү
10 август 1956 ел
Website Nihon Hidankyō

Нихон Хиданкё (Nihon Hidankyō), Атом һәм водород бомбаларыннан зыян күргән оешмаларның Япония конфедерациясе (The Japan Confederation of A- and H-Bomb Sufferers Organizations (日本原水爆被害者団体協議会, Nihon gensuibaku higaisha dantai kyōgi-kai) ― 1956 елда оешкан иҗтимагый оешма. Япониянең Хиросима һәм Нагасаки шәһәрләренә атом бомбасы ташлау^[d] вакытында исән калган кешеләр тарафыннан Япония хөкүмәтенә басым ясау, зыян күрүчеләргә ярдәмне яхшырту һәм Хөкүмәттә атом-төш коралыннан баш тартуны лоббировать итү максаты белән оешкан[1].

Тарих

Нихон Хиданкёга 1956 елның 10 августында Senji Yamaguchi тарафыннан атом бомбасы ташлаудан зыян күрүчеләрнең мәнфәгатьләрен яклау максаты белән нигез салына. 1945 елның 9 августында Senji Yamaguchi, Нагасакидагы Mitsubishi корал заводында 14 яшьлек эшче, көчле радиацион пешүләр ала, бу аның йөзен мәңгегә имгәтә[2], ул 2013 елда үлә.

Оешма эшчәнлегенә шаһит күрсәтмәләре бирү, резолюцияләр һәм гавәми мөрәҗәгатьләр чыгару, шулай ук атом-төш коралы кулланудан глобаль баш тарту идеясен яклау өчен төрле халыкара оешмаларга, шул исәптән Берләшкән Милләтләр Оешмасына ел саен делегацияләр җибәрү керә.

Оешма 2024 елгы Нобель тынычлык премиясенә лаек була ― «атом-төш коралыннан азат дөньяга ирешү тырышлыгы һәм шаһит күрсәтмәләре белән атом-төш коралының бүтән беркайчан да кулланылырга тиеш булмавын күрсәткән өчен»[3].

Бүләкләре

• 2024 ― Нобель тынычлык премиясе[4]
• 2010 ― социаль активлык өчен премия (Бөтендөнья тынычлык өчен Нобель премиясе лауреатлары саммиты)
• 1985, 1994, 2015 ― Швейцария Халыкара тынычлык бюросы (IPB) Нихон Хиданкёны Тынычлык өчен Нобель премиясенә тәкъдим иткән[5][6].

Искәрмәләр

1. Welcome to HIDANKYO. Japan Confederation of A- and H-Bomb Sufferers Organization (Nihon Hidankyo) website.
2. Senji Yamaguchi. The Daily Telegraph, 2013-08-08
3. Royen, Ulrika (2024-10-11). Press release (en-US).
4. Press release — Nobel Peace Prize 2024
5. Ne.jp
6. Atomic bomb survivors nominated for Nobel prize | The Japan Times. They were awarded the Nobel Peace Price in 2024.

Сылтамалар