Исмәгыйль Шәрәфиев

Исмәгыйль Шәрәфиев
Туган телдә исем	Исмәгыйль Шәрәфиев
Туган	18 апрель 1953(1953-04-18) Казан, РСФСР, СССР
Үлгән	22 июнь 2017(2017-06-22) (64 яшь) Татарстан, Россия
Яшәгән урын	Адоратски урамы, Казан[1]
Әлма-матер	Казан (Идел буе) федераль университеты

Исмәгыйль Шәрәфиев (Исмәгыйль Сәлмән улы Шәрәфиев, 18 апрель 1953(1953-04-18), Казан, РСФСР, СССР — 22 июнь 2017, Татарстан, Россия) — журналист. 1973-1974 елларда «Социалистик Татарстан» гәҗите әдәби хезмәткәре, 1974-1989 елларда «Татарстан яшьләре» гәҗитендә: тәрҗемәче, хатлар бүлеге мөдире, җаваплы сәркәтип, баш мөхәррир урынбасары. 1989-1990 елларда «Идел» журналының җаваплы сәркатибе. 1990 елдан вафатына кадәр «Татарстан яшьләре» гәҗитенең баш мөхәррире.

2017 елда «Бәллүр каләм» бәйгесендә Гран-при («Лада Калина» автомобиле) бирелгән — «күпьеллык нәтиҗәле хезмәте өчен»[2].

2017 елның 22 июнендә каты авырудан соң Казанда вафат. Туган ягы Әтнәдә дәфен ителгән.

Гаиләсе

Хатыны Роза Фатыйх кызы, озак еллар «Социалистик Татарстан» (хәзер «Ватаным Татарстан») газетасында корректор булып эшләгән.
улы Искәндәр; кызы Айгөл, журналист, «Бүгенге төрки каганат. Бөек Ефәк Юлы» китабы авторы. [3]
оныклары Солтанбулат, Нуриябану, Солтанбәк[4]

Искәрмәләр

1. https://jitely.info/kazan
2. «Татарстан яшьләре» мөхәррире Исмәгыйль Шәрәфиев вафат. Азатлык Радиосы, 22.06.2017
3. Зилә Мөбәрәкшина. Исмәгыйль Шәрәфиевнең хатыны Роза Шәрәфиева: «Шушы көнгә кадәр ул минем янда». Интертат, 4.05.2023
4. «Татарстан яшьләре», 2017 ел, 29 июнь, 2нче биттә