Игенче (газета)

«Игенче»
Игенче
Tөр	Иҗтимагый-сәяси
Гамәлгә куючы	Башкортстан Республикасының Матбугат һәм киң мәгълүмат чаралары агентлыгы
Нәшер итүче	Башкортстан Республикасының «Чакмагыш мәгълүмат үзәге» редакция-нәшрият комплексы дәүләт-унитар предприятиесе
Баш мөхәрир	Фәнис Фидан улы Әмирханов
Штат корреспондентлары	21
Нигезләнгән	1931
Тел	татар теле
Төп офис	Русия, Башкортстан, Чакмагыш районы, Чакмагыш авылы, Ленин ур., 49
Тиражы	6 мең
Веб-сайт: http://igenche.ru/

«Игенче» – татар телендә Башкортстан ның Чакмагыш районында нәшер ителүче дәүләт иҗтимагый-сәяси газетасы.

Төп темалар – Чакмагыш районының иҗтимагый, мәдәни тормышы, күренекле якташлары турында мәкаләләр, сугыш һәм хезмәт ветераннарын, эш кешеләрен хөрмәтләү. Гәҗит төрле катлау укучыга исәпләнгән. Реклама да басыла.

Тарих

• Район газетасының беренче саны 1931 елның 25 декабрендә, ике битле генә булып, “Ярышка” исеме белән чыга.
• 1937 елның 30 апреленнән “Коммунизмга” исеме белән нәшер ителә.
• 1963 елның 6 мартыннан, Чакмагыш районы белән Кушнаренко районы берләшкәч, “Агыйдел” исеме белән чыга, Кушнаренкода басыла.
• 1965 елның 18 апреленнән хәзерге Игенче исеме белән Чакмагышның үзендә нәшер ителә.
• 2004 елдан Башкортстан Республикасының «Чакмагыш мәгълүмат үзәге» редакция-нәшрият комплексы дәүләт - унитар

предприятиесенә карый.

Мөхәррирләр

• 1931 елның 25 декабрендә чыккан беренче санны Имаметдин Фәтхуллин имзалый.
• 1933 елдан гамәли мөхәррир итеп Гаян Вәлишин билгеләнә.
• 1935 - 1948 елларда Хадим Канзафаров,
• 1948 - 1975 елларда Фәррәхия Галиева,
• 1975 - 2002 елларда Хәйдәр Басыйров,
• 2002 - 2009 елларда Марис Нәзиров,
• 2009 елдан Вазих Исхаков исемендәге премия иясе Фәнис Әмирханов.

Бүлек мөдире булып Башкортстанның атказанган матбугат һәм гаммәви мәгълүмат хезмәткәре Рәзифә Сәхапова эшли.

Мөхәрририяттә 21 кеше эшли. атнасына 3 мәртәбә сишәмбе, пәнҗешәмбе, шимбә көннәрне чыга. Шимбә көнне урысча кушымта белән чыга. 2002 елдан башк. “Саткылар” гәҗите чыга. 2014 елның 1 яртысына тираж 6 000 данә.

Чыганаклар

"Игенче" гәҗите сайты

Моны да карагыз

• Авыл таңнары
• Караидел хәбәрләре
• Башкортстанның район гәҗитләре
• «Сарманай», газета.

Искәрмәләр