گجرات یونیورسٹی

گجرات یونیورسٹی
University of Gujrat
معلومات
تاسيس	۲۰۰۴؛ 21 سال پہلے (۲۰۰۴)
قسم	سرکاری
جغرافیائی وقوع
إحداثيات	32°38′29″N 74°09′55″E
شہر	گجرات، پنجاب
دیس	پاکستان
ہور جانکاری
طالب علم	25000+ (73.3% female, 0.17% foreign nationals)(سنة ؟؟)
نشان	Hayatian, Uogian
ویب سائٹ	uog.edu.pk
[مکمل اسکرین پر]
ترمیم

گجرات یونیورسٹی (University of Gujrat)، پنجاب، پاکستان دے ضلع گجرات وچ قائم اک سرکاری یونیورسٹی اے۔ ایہ فروری 2004ء وچ بݨائی گئی سی۔ گجرات یونیورسٹی ہائیر ایجوکیشن کمیشن تے پاکستان انجنیئرنگ کونسل دی طرفوں اک تسلیم شدہ یونیورسٹی اے۔ ایہدے دو کیمپس نیں۔

تاریخ

گجرات یونیورسٹی دی تاریخ دی بنیاد 1949ء وچ کیدار ناتھ حویلی وچ قائم اک کالج توں شُروع ہوئی اے۔ پراݨی حویلی دی عظمت ہُݨ وی برقرار اے۔ پہلا کالج، جیہدا افتتاح فاطمہ جناح نے کیتا سی، ابتدائی طور تے خواتین دا کالج سی، جیہی پہلی پرِنسپل بیگم ثریا سلیم سی۔ کیدار ناتھ حویلی گجرات دے اک ہندو مجسٹریٹ لالا کیدار ناتھ نے 1905ء وچ 4 کنال 19 مرلے دے رقبے اُتے حویلی بݨوائی سی جیہدے 25 کمرے سن۔ کالج 1952ء وچ محکمہ تعلیم دے زیر انتظام آیا۔ 2004ء وچ باضابطہ طور تے حافظ محمد حیات دی عطیہ کردہ زمین اُتے گجرات یونیورسٹی دا قیام عمل وچ آیا۔ اوس وقت دے وزیر تعلیم عمران مسعود نے کالج دا نام گورنمنٹ فاطمہ جناح کالج برائے خواتین رکھ دِتا تے کالج نوں گجرات یونیورسٹی وچ شامل کر دِتا۔ 2006ء وچ پنجاب حکومت نے کیدار ناتھ حویلی نوں گجرات یونیورسٹی دا پہلا کیمپس قرار دِتا۔ جولائی 2007ء وچ یونیورسٹی نوں حافظ حیات پنڈ وچ تعمیر نویں کیمپس وچ منتقل کردِتا گیا۔

ٹرانسپورٹ سسٹم

گجرات یونیورسٹی دا ٹرانسپورٹیشن سروس دا نظام پاکستان بَھر وچ اک بہترین نظام اے۔ ایہدے رُوٹ آلے دوالے دے سارے صنعتی شہراں تے قصبیاں نوں جاندے نیں، جیہناں وچ سیالکوٹ، ڈسکا، گجرانوالا، گجرات، کھاریاں، بھگوال، لالا موسا، ڈِنگا، سرائے عالمگیر، بھمبر، صبور، کوٹلہ ارباب، علی پور چٹھا، جہلم، وزیر آباد، منڈی بہاؤالدین شامل نیں۔

فیکلٹیز

• فیکلٹی آف آرٹس
• کمپیوٹنگ اینڈ انفارمیشن ٹیکنالوجی[۱]
• انجنیئرنگ اینڈ ٹیکنالوجی
• مینجمنٹ اینڈ ایڈمنسٹریٹو سائنسز
• فیکلٹی آف سائنس
• سوشل سائنسز[۱]
• سکول آف آرٹ اینڈ آرکیٹیکچر[۱]
• میڈیکل کالج

کیمپس

گجرات یونیورسٹی دے دو کیمپس نیں:

• حافظ حیات کیمپس (مرکزی کیمپس)
• منڈی بہاولدین کیمپس

ہور دیکھو

• گجرات یونیورسٹی، احمدآباد

حوالے

1. سائیٹ غلطی: نا منیا جان والا <ref> ٹیگ کوئی لکھت نئیں دتی گئی اتے پتے uniRank لئی۔
2. Core Team Members at uog.edu.pk Error: unknown archive URL (archived [Date missing])