|
عذرا شیروانی
عذرا شیروانی، اک پاکستانی ٹیلی ویژن اداکارہ سی، جیہناں دا کیریئر 35 سال اُتے محیط اے۔ اوہناں نے بطَور اداکارہ پاکستان ٹیلی ویژن دے ڈرامیاں وچ مُختلِف کردار ادا کیتے۔ اوہناں دے یادگار کرداراں وچ انکل عرفی وچ "غازی آپا"، آنگن ٹیڑھا "صالحہ بیگم"، تنہائیاں وچ "آپا بیگم"، دھوپ کنارے وچ "فضیلت" شامل نیں۔ مُڈھلی زِندگیاوہ 1940ء نوں میرٹھ (برطانوی ہند) وچ پیدا ہوئیاں۔ کیریئرعذرا شیروانی نے اپنے ٹی وی کیریئر دا آغاز 1960ء دی دہائی دے آخر وچ پاکستان ٹیلی ویژن، راولپنڈی توں کِیتا۔ اوہناں نے پاکستان دے چند بہترین پروڈیوسرز دے نال کم کِیتا، جیہناں وچ محسن علی، شیریں خان، شہزاد خلیل، سلطانہ صدیقی، ظہیر خان تے ساحرہ کاظمی شامل نیں۔ اوہناں نے اپنے وقت دے چند بہترین لکھاریاں دے نال وی کم کِیا، جیہناں وچ فاطمہ ثریا بجیا، حسینہ معین تے انور مقصود شامل نیں۔ ڈراما تنہائیاں وچ "آپا بیگم" دا کردار بلاشبہ اوہناں دے کیرئیر دا سبھ توں مشہور کردار اے، جس وچ اوہناں نے سخت گِیر بھیݨ دا کردار ادا کِیتا۔ انکل عرفی وچ اوہناں دا "غازی آپا" دا کردار شہرہ آفاق حیثیت رکھدا اے۔ ستارہ اور مہرالنساء وچ اوہناں نے ستارہ (عتیقہ اوڈھو) دی خود غرض ماں دا کردار ادا کِیتا۔ آنگن ٹیڑھا وچ اوہناں نے محبوب احمد (شکیل) دی سَس "صالحہ بیگم" دا کردار ادا کِیتا۔ فیر اوہناں 1970ء دہائی وچ اوہناں نے پیشاور بھکاریاں دے متعلق ڈراما میرا نام منگو وچ "مائی جینا" دا کردار ادا کِیتا۔ اوہناں نے ڈراما پرچھائیاں وچ راحت کاظمی، ساحرہ کاظمی، شکیل تے طلعت حسین اُتے مُشتمل سٹار کاسٹ دے حِصے دے طَور تے شاندار کارکردگی دا مظاہرہ کِیتا۔ اوہناں نے فاطمہ ثریا بجیا دے ڈراما افشاں وچ فیلو کاسٹ مِمبران شکیل، قاضی واجد، عشرت ہاشمی تے بیگم خورشید مرزا دے نال اپنا کردار ادا کِیتا۔ جد پرائیویٹ پروڈکشنز دی آمد نے پاکستان ٹیلی ویژن اُتے معیاری ڈرامیاں دی کمی نوں جنم دِتا تاں عذرا شیروانی نے کچھ عرصے تَک کنول، فاطمہ ثریا بجیا دے گھر ایک نگر تے سلطانہ صدیقی دے دوسری دنیا وَرگے ڈرامیاں وچ کَم کِیتا۔ اپنے کیریئر دے آخری حِصے وچ اوہناں دا سبھ توں یادگار کردار رفعت ہمایوں دے ڈراما خالہ خیرن وچ "خالہ خیرن" دا مرکزی کردار اے۔ مُختصِرِن، اوہناں دِیاں تاریخی صلاحیتاں نے پاکستان ٹیلی ویژن اُتے کرداراں دی اداکاری دے معیارات قائم کِیتے نیں۔ نِجی زِندگیخاندانی ذرائع دے مطابق اوہناں دی پیدائش میرٹھ، برطانوی ہند وچ ہوئی سی۔ اوہناں دا ویاہ نفیس شیروانی نال ہویا، جیہڑے پاک فضائیہ وچ ایئر کموڈور سی۔ وفاتاوہناں دی وفات 19 دسمبر 2005ء نوں اوکلاہوما سِٹی، اوکلاہوما، امریکا وچ ہوئی۔ جِتھے اوہ کافی عرصے توں اپنے بیٹے دے نال مقیم سن۔ عذرا شیروانی امریکا وچ ہی آسودہ ئے خاک نیں۔ فِلموگرافیٹی وی ڈرامے
باہرلے جوڑحوالے
|
||||||||||||||||||||||||||||
Portal di Ensiklopedia Dunia
