جیمز ایبٹ

جیمز ایبٹ
جنمستھان :	بلیکہیتھ، کینٹ، انگلینڈ
جمݨ دیہاڑ :	12 مارچ 1807
مرن دیہاڑ :	6 اکتوبر 1896
مرنستھان :	رایڈ، جزیرا ویٹ، انگلینڈ
کم :	فوجی افسر، سِول افسر
فوج :	برٹش انڈیئن آرمی
رینک :	جنرل
جنگ :	پہلی اینگلو سکھ جنگ، دوجی اینگلو سکھ جنگ
ایوارڈ :	آرڈر آف باتھ

جنرل سر جیمز ایبٹ (12 مارچ 1807ء – 6 اکتوبر 1896ء) اک برطانوی فوجی افسر سی جو سامراجی دور وچ ہندوستان وچ تعینات رہے۔ جیمز ایبٹ انگلینڈ وچ پیدا ہوئے تے اوہناں دے والد دا نام ہینری الیکسیس ایبٹ سی ، جو کلکتا وچ تعینات مرچنٹ نیوی دے بیڑے توں ریٹائر افسر سی۔ جیمز ایبٹ نے بنگال آرٹلری وچ سولاں سال دی عمر وچ اپݨی خدمات شروع کیتیاں۔[۱] گو کہ جیمز ایبٹ نے ہندوستان وچ کئی مقامات اُتے اپݨی خدمات پیش کتیاں لیکن اوہناں دی یادگار خدمات ہندوستان دے شمال مغربی علاقے وچ نیں جو اوہناں نے انیہویں صدی دے وسط وچ سر انجام دِتیاں۔ اوہ ہینری لارنس دے مشیر سی ۔ اوہناں نے انگریز فوجاں دی سکھ فوج دے خلاف جنگ وچ انتہائی اہم منطقی مشورےآں نال برطانوی فوج نوں کامیابیاں دوائیاں۔[۲] جیمز ایبٹ ضلع ہزارا دے پہلے ڈپٹی کمشنر وی تعینات رہے جیہدا دورانیا 1849ء توں 1853ء تک اے۔ بعد وچ 1894ء وچ اوہناں نوں برطانوی حکومت وچ کلیدی عہدے دے سی بی اُپر تعینات کر دِتا گیا۔[۱]
لہور وچ ہوئے معایدے (جو سکھاں دے خلاف انگریزاں دی پہلی جنگ توں بعد طے پایا سی) ہزارا تے کشمیر دا علاقا گلاب سنگھ دے حوالے کیتا جانا سی ، ہزارا بہر حال تخت لہور دے زیر اثر رہیا تے جیمز ایبٹ نے ایہدی حکومت دی باگ ڈور سمبھال لئی تے صِرف اک سال دے عرصے وچ حکومت اُتے مکمل قبضا کر لیا۔[۳] پاکستان دا شہر ایبٹ آباد جو ضلع ایبٹ آباد دا راجگڑھ اے ۔ ایہدا ناں وی سر جیمز ایبٹ دے ناں اُتے رکھیا گیا اے۔[۲]
سر جیمز ایبٹ آگسٹس ایبٹ تے فریڈریک ایبٹ دے بھائی سی، ایہ دوویں بھراء وی برطانوی فوج وچ خدمات سر انجام دیندے رہے۔
سر جیمز ایبٹ دیاں موجود تصویراں وچوں بہترین تے کلی دستیاب تصویر اک مصور بی۔ بلدیوان نے بݨائی سی۔ ایہ تصویر ہُن وی برطانیا وچ قومی پورٹریٹ گیلری وچ آویزاں اے جیہڑا لندن وچ واقع اے۔[۴]

ہور دیکھو

• ایبٹ آباد

حوالا جات

باہرلے جوڑ

• برطانیا دا قومی آرکائیو

1. چیمبرز بائیوگرافیکل ڈکشنری، حوالا: 0-550-18022-2، صفحہ :2
2. ایسوبیل شا، پاکستان ہینڈ بک, ہانگ کانگ, لوکل کلر لمیٹیڈ، (1998ء) صفحا: 519
3. ہزارا : بریٹانیکا وچ گیارہویں ایڈیشن دا آرٹیکل
4. قومی پورٹریٹ گیلری: سر جیمز ایبٹ at www.npg.org.uk Error: unknown archive URL (archived [Date missing])