Simae'asi

Simae'asi Simaeasi
Desa
Peta desa Simae'asi
Negara	Indonesia
Provinsi	Sumatra Utara
Kabupaten	Nias Barat
Kecamatan	Mandrehe
Fa'ebolo [1]
• Fefu	5,48 km^2 (2,1 sq mi)
Sowanua  (2019)[1]
• Fefu	1,510 niha
• Fa'afasösö	275,5/km^2 (710/sq mi)
Kode pos	22862
Kode Kemendagri	12.25.05.2001

Simae'asi no sambua desa ba Kecamatan Mandrehe, Kabupaten Nias Barat. Kodenia ba wamatörö Indonesia 12.25.05.2001. [2]

Banua andre ba no sambua ba gotalua zi 20 banua si so bakha ba kecamatan Mandrehe. Fa'ebolonia 5,48 km (kilo meter) ma 7, 06 % moroi ba wa'ebolo kecamatan Mandrehe[3]. Banua andre ba so ba hili-hili si mane banua tanöbö'ö. Ba zi föfö mbanua ba no itaba ia ungonidanö Moro'ö. So mato ha'uga ngambatö zi toröi ba zitambai Moro'ö tanö ba gatumbukha ba sabölö oya toröi ba zi tambai faudu Gaekhula.

Omo niha mbanua ba mbanua andre oi teoli-oli ba fatahö-tahö ero omo hewa'ae so göi zi fasaule-saule si mane ba mbanua bö'ö. Samabali omo si fatahö-tahö andrö ya'ia da'ö eŵali sitobali lala samakhai ero nomo ba he göi banua bö'ö si mane samakhai banua Garamb ma Tetehösi faoma gödo Bupati Nias Barat. Banua si faola ba mbanua Zimae'asi, ya'ia Onolimbu Lahömi, Siana'a, Aramba, Lasara baene.

Molo'ö data Mandrehe Dalam Angka 2020, fa'ato niha ba Zimae'asi so 1.510 niha. Ba gotalua da'ö so 768 ndra matua ba 742 ndra alawe. Fao ba da'ö fefu ndraono ba satua[4].

Niha mbanua

Si mane ba mbanua bö,ö, niha mbanua Zimae'asi tola tewa'ö oi sifatalífusö manö. Oroma da'e ba mado niha mbanua si so ba da'ö. Fefu ira zi so ba Zimae'asi ba ha sambua mado, ya'ia da'ö mado Gulö. Naso Mado Waruwu ma Hia si toröi ba mbanua andrö ba tola tewa'ö ha sifatewu ma zui niha sitaro börö me no tefakhai wa'asitenga bö'ö.

Fa'afaduhu dödö

Fefu Niha mbanua ba Duho'öŵö no faduhu dödöra ba zangorifi boto ba noso niha molo'ö fa'afaduhu dödö Niha Keriso ba Katolik. Ba mbanua andrö so 4 (öfa) ngawua gosali Mbanua Niha Keriso ba 1 (sambua) gosali Katolik[5].

Umbu

1. BPS Kabupaten Nias Barat (2020), Kecamatan Mandrehe Dalam Angka 2020, nga'örö 40.
2. Kementerian Dalam Negeri (2019), Peraturan Menteri Dalam Negeri No.72 Tahun 2019 (PDF), nga'örö 562. ((Li Indonesia))
3. BPS Kabupaten Nias Barat (2020), Kecamatan Mandrehe Dalam Angka 2020, nga'örö 6
4. Kecamatan Mandrehe Dalam Angka 2020, nga'örö 38
5. Kecamatan Mandrehe Dalam Angka 2020, nga'örö 63