Heinrich Sundermann

Uli Zura Ni'amoni'ö nifa'anö Heinrich Sundermann

Heinrich Sundermann (★ 29 Oktober 1849 ba Ladbergen-Overbeck – † April 1919 ba Göttingen) no samösa falito Protestan moroi ba danö Jerman si möi mamazaewe Taromali Lowalangi ba Danö Niha me 1875. Toröi ia ba Danö Niha irugi 1910. Baero duho halöŵönia andrö ihalö göi ginötö ba wama'anö kamus awö amakhoita li Niha ba ba wamo'eluaha Sura Ni'amoni'ö ba li Niha.

Uli kamus Nias-Jerman nifa'anö Heinrich Sundermann

Aefa i'awalisi wamaha'ö ba teologi fao Heinrich tobali awö ba Rheinische Missionsgesellschaft, sama'ohe'ö falito ba danö sagaröu. Me 1875 lafatenge ia ba Danö Niha ba mohalöŵö ia ba da'ö irugi 1910. Baero halöŵö fanuriagö Taromali Lowalangi, no göi ihalö halöŵö sebua ba wangali Zura Ni'amoni'ö ba li Niha awö ba wama'anö amakhoita li Niha. Me ndröfi 1892 i'awalisi wangali Zura Gamabu'ulali Sibohou ba me 1915 i'awalisi göi Zura Gamabu'ulali Siföföna. Laraka ia tobali sambua buku me 1915.

Me 28 Agustus 1911 ibe'e khönia ratu Belanda Wilhelmina töi sebua Orde van Oranje-Nassau. Me April 1919 mate ia ba Göttingen.

Sinura

• (Li Jerman) H. Sundermann, Niassische Sprachlehre, 'S-Gravenhage, 1913.
• (Li Jerman) H. Sundermann, Niassisch-Deutsches Wörterbuch, Moers, 1905.
• (Li Jerman) H. Sundermann, Soera Gambaoe'oela Li Si Bohou, Amsterdam, 1892.
• (Li Jerman) H. Sundermann, Soera Gambaoe'oela Li Si Föföna, Amsterdam, 1911.

Umbu

• (Li Jerman) "Unser Kreis 1990". Jahrbuch für den Kreis Steinfurt, ISBN 3-926619-11-2
• (Li Jerman) Heinrich Sundermann, Die Insel Nias und die Mission daselbst, Rheinische Missionsschriften Nr. 125, Verlag des Missionshauses, Barmen 1905.