|
ഹരിപുര ഇന്ത്യയിലെ ഗുജറാത്തിലെ സൂറത്ത് ജില്ലയിലെ പൽസന താലൂക്കിലെ ഒരു ഗ്രാമമാണ് ഹരിപുര.[1] ബർദോളിയിൽ നിന്ന് 13 കിലോമീറ്റർ വടക്കുകിഴക്കായിട്ടാണ് ഇത്. ഇന്ത്യൻ സ്വാതന്ത്ര്യസമരകാലത്ത്, 1938 ൽ ഇന്ത്യൻ ദേശീയ കോൺഗ്രസിന്റെ വാർഷിക സമ്മേളനത്തിന്റെ വേദിയായിരുന്നു ഇത്, 'ഹരിപുര സെഷൻ' എന്നറിയപ്പെടുന്നു.[2] മോറി, സാംതാൻ, കഡോഡ്, കോസാഡി എന്നിവയാണ് ഹരിപുരയ്ക്ക് ചുറ്റുമുള്ള ഗ്രാമങ്ങൾ. ഭൂമിശാസ്ത്രംതപ്തി നദിയുടെ തീരത്താണ് ഹരിപുര സ്ഥിതി ചെയ്യുന്നത്. ചരിത്രം സുഭാഷ് ചന്ദ്രബോസിന്റെ അധ്യക്ഷതയിൽ 1938 ഫെബ്രുവരി 19 മുതൽ 22 വരെ ഇന്ത്യൻ നാഷണൽ കോൺഗ്രസ് ഹരിപുരയിൽ യോഗം ചേർന്നു.[3]ഇന്ത്യൻ നാഷണൽ കോൺഗ്രസ്സിന്റെ 51-ാമത് യോഗമായിരുന്നു ഇത്.[4] സുഭാഷ് ചന്ദ്രബോസ് പ്രസിഡന്റായി തിരഞ്ഞെടുക്കപ്പെട്ടു.[5] സർദാർ വല്ലഭായ് പട്ടേലാണ് ഈ കൺവെൻഷനുവേണ്ടി ഹരിപുരയെ തിരഞ്ഞെടുത്തത്.[6] അന്നത്തെ വാൻസ്‌ഡ സംസ്ഥാനത്തെ മഹാരാജാസാഹേബ് ശ്രീ ഇന്ദ്രസിങ്‌ജി പ്രതാപ്‌സിങ്‌ജി സോളങ്കി കാളവണ്ടി രഥം അലങ്കരിച്ച് അയച്ചു. പ്രശസ്ത ചിത്രകാരൻ, നന്ദലാൽ ബോസ് ഏഴു പോസ്റ്ററുകൾ മഹാത്മാഗാന്ധിയുടെ ആവശ്യപ്രകാരം ഹരിപുര സെഷൻ വേണ്ടി നിർമ്മിച്ചു.[7] ചലച്ചിത്ര സംവിധായകനും, വാഡിയ മൂവിടോൺ സ്റ്റുഡിയോയിൽനിന്നുള്ള ജെബിഎച്ച് വാഡിയ, ഹരിപുര കോൺഗ്രസിനു വേണ്ടി സിനിമയുടെ ദൈർഘ്യമുള്ള ഡോക്യുമെന്ററി നിർമ്മിച്ചു.[8][9] പ്രധാന സ്ഥാപനങ്ങൾഈ ഗ്രാമത്തിൽ ഒരു കൃഷ്ണ ക്ഷേത്രവും സുഭാഷ് ചന്ദ്രബോസിന്റെ പ്രതിമയും സ്ഥിതിചെയ്യുന്നു. ഗാലറി
അവലംബങ്ങൾ
ഇതും കാണുക
|
Portal di Ensiklopedia Dunia
