|
മിൽമ
കേരള ക്ഷീരോൽപ്പാദക സഹകരണ സംഘം അഥവാ മിൽമ തിരുവനന്തപുരം ആസ്ഥാനമായി 1980-ൽ ആരംഭിച്ചു. ഇന്തോ-സ്വിസ് പദ്ധതിയുടെ ഭാഗമായിട്ടാണ്‌ ഇത് ആരംഭിച്ചത്[1]. ഈ സംരംഭം ആദ്യമായി ആരംഭിച്ചത് 1963 ഇന്ത്യാ ഗവൺമെന്റിന്റേയും സ്വിസ് ഗവൺമെന്റിന്റേയും സംയുക്ത സംരംഭമായിട്ടാണ്. ചരിത്രം1980-കളുടെ തുടക്കത്തിൽ കേരളം ക്ഷീരസൗഹൃദ സംസ്ഥാനമായി കാണപ്പെട്ടു, പാൽ വിതരണത്തിനായി പ്രാഥമികമായി അയൽ സംസ്ഥാനങ്ങളെ ആശ്രയിക്കേണ്ടി വന്നു. എന്നാൽ, പാലുൽപ്പാദനത്തിൽ കേരളം ഇന്ന് ഏറെക്കുറെ സ്വയംപര്യാപ്തമാണ്. ഇതിനു കാരണമായി പറയേണ്ടത് കേരളത്തിലെ ഓപ്പറേഷൻ ഫ്ലഡ് II-ന്റെ നടപ്പാക്കൽ ഏജൻസിയായി 1980-ൽ കേരള കോഓപ്പറേറ്റീവ് മിൽക്ക് മാർക്കറ്റിംഗ് ഫെഡറേഷൻ ലിമിറ്റഡിന്റെ സ്ഥാപനത്തിനാണ്. ഗ്രാമതലത്തിൽ പ്രാഥമിക ക്ഷീര സഹകരണ സംഘങ്ങൾ, മധ്യതലത്തിൽ പ്രാദേശിക പാൽ ഉൽപാദക യൂണിയനുകൾ, കേരള കോഓപ്പറേറ്റീവ് മിൽക്ക് മാർക്കറ്റിംഗ് ഫെഡറേഷൻ ലിമിറ്റഡ് എന്ന സംസ്ഥാന തലത്തിൽ ഒരു അപെക്സ് ബോഡി എന്നിവയുമായി ത്രിതല ഘടനയാണ് സംഘടനയ്ക്കുള്ളത്. നിലവിൽ മൂന്ന് പ്രാദേശിക സഹകരണ പാൽ ഉത്പാദക യൂണിയനുകൾ പ്രവർത്തിക്കുന്നുണ്ട്. തിരുവനന്തപുരം, കൊല്ലം, ആലപ്പുഴ, പത്തനംതിട്ട എന്നീ റവന്യൂ ജില്ലകൾ തിരുവനന്തപുരം റീജിയണൽ കോ-ഓപ്പറേറ്റീവ് മിൽക്ക് പ്രൊഡ്യൂസേഴ്‌സ് യൂണിയന്റെ (ടിആർസിഎംപിയു), എറണാകുളം, തൃശൂർ, കോട്ടയം, ഇടുക്കി ജില്ലകൾ എറണാകുളം റീജിയണൽ കോ-ഓപ്പറേറ്റീവ് മിൽക്ക് പ്രൊഡ്യൂസേഴ്‌സ് യൂണിയന്റെ (ഇആർസിഎംപിയു) അധികാരപരിധിയിലാണ് വരുന്നത്. ) കൂടാതെ മലബാർ റീജിയണൽ കോഓപ്പറേറ്റീവ് മിൽക്ക് പ്രൊഡ്യൂസേഴ്‌സ് യൂണിയന്റെ (എംആർസിഎംപിയു) കീഴിലുള്ള പാലക്കാട്, കണ്ണൂർ, മലപ്പുറം, കോഴിക്കോട്, വയനാട്, കാസർകോട് എന്നീ ആറ് വടക്കൻ ജില്ലകളും. ത്രിതല ഘടന കർഷക അംഗങ്ങൾക്ക് അവരുടെ ഉൽപ്പന്നങ്ങളുടെ വിപണനത്തിനായുള്ള നയ-തല തീരുമാനങ്ങൾക്ക് നേരിട്ട് ഉത്തരവാദികളാണെന്ന് ഉറപ്പാക്കുന്നു.   ക്ഷീരസാന്ത്വനം ഇൻഷുറൻസ്കേരള സംസ്ഥാനത്തെ ക്ഷീരകർഷകർക്കും ക്ഷീര സംഘം ജീവനക്കാർക്കുമായി സംസ്ഥാന ക്ഷീര വികസന വകുപ്പ് നടപ്പിലാക്കുന്ന സമഗ്ര ഇൻഷുറൻസ് പദ്ധതിയാണ് ക്ഷീര സാന്ത്വനം . കന്നുകാലികൾക്കും ക്ഷീരകർഷകർക്കും കുടുംബാംഗങ്ങൾക്കും ക്ഷീര സംഘം ജീവനക്കാർക്കും കുടുംബാംഗങ്ങൾക്കും ഇൻഷുറൻസ് പരിരക്ഷ ലഭിക്കും. യുണൈറ്റഡ് ഇന്ത്യ ഇൻഷുറൻസ്, ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യ എന്നിവയുമായി ചേർന്നാണ് പദ്ധതി നടപ്പാക്കുന്നത്. ഗോ സുരക്ഷ, ആരോഗ്യ സുരക്ഷ, അപകട ഇൻഷുറൻസ്, ലൈഫ് ഇൻഷുറൻസ്, പോളിസികൾ ഇതിന് കീഴിൽ ലഭ്യമാകും. ക്ഷീര സംഘങ്ങളിൽ അംഗങ്ങളായ കർഷകർക്ക് ക്ഷീര സംഘം സെക്രട്ടറിയെ സമീപിച്ച് അപേക്ഷ ഫോറം നൽകിയാൽ പദ്ധതിയിൽ അംഗം ആകാവുന്നതാണ്. സംസ്ഥാന ക്ഷീര വികസന വകുപ്പ് നിശ്ചിത തുക( 50% വരെ )പ്രീമിയം സബ്‌സിടി ആയി നൽകുന്നതിനാൽ ക്ഷീര കർഷകന് മിതമായ തുക മാത്രം അടച്ചാൽ മതിയാകും. കന്നു കാലികളെ ഇൻഷുർ ചെയുന്നതിനായി ഗ്രാമ പഞ്ചായത്ത്‌ വെറ്റിനരി സർജൻ സാക്ഷ്യപെടുത്തിയ എൻറോൾമെന്റ് ഫോം കൂടെ നൽകേണ്ടതാണ്. ഗോ രക്ഷ പോളിസി പ്രകാരം ഒരു പശുവിനു 50,000 രൂപ മുതൽ 70,000 രൂപ വരെ ഇൻഷുറൻസ് പരിരക്ഷ ലഭിക്കും. 80 വയസു വരെ പ്രായമുള്ള കർഷകർക്ക് ഇൻഷുറൻസ് പരിരക്ഷ ലഭിക്കും. കർഷകരുടെ മാതാപിതാക്കൾക്ക് ആനുകൂല്യം ലഭിയ്ക്കാൻ പ്രായ പരിധി ഉണ്ടായിരിക്കില്ല. പദ്ധതിയ്ക്ക് കീഴിൽ ഒരു ലക്ഷം രൂപ വരെ ചികിത്സാ ആനുകൂല്യം ലഭിയ്ക്കും. അപകട സുരക്ഷാ പോളിസിയിൽ അംഗമാകുന്നവർക്ക് 7 ലക്ഷം രൂപവരെ ഇൻഷുറൻസ് ലഭിയ്ക്കും. ഒരു വർഷമാണ് പോളിസി കാലാവധി.[2] ഇതും കാണുകഅവലംബം
|
||||||||||||||||
Portal di Ensiklopedia Dunia
