ബസേലിയോസ്‌ ക്ലീമിസ്

ഇംഗ്ലീഷ് വിലാസം

https://ml.wikipedia.org/wiki/Baselios_Cleemis

മോർ ബസേലിയോസ്‌ ക്ലീമിസ്
മലങ്കര സുറിയാനി കത്തോലിക്കാ സഭയുടെ മേജർ ആർച്ച്ബിഷപ് - കാതോലിക്കോസ്
സഭ	സീറോ മലങ്കര കത്തോലിക്കാ സഭ
അതിരൂപത	തിരുവനന്തപുരം
ഭദ്രാസനം	തിരുവനന്തപുരം
മുൻഗാമി	സിറിൾ മാർ ബസേലിയസ്
വൈദിക പട്ടത്വം	ജൂൺ 11, 1986
വ്യക്തി വിവരങ്ങൾ
ജനനം	(1959-06-15) ജൂൺ 15, 1959 (age 65) വയസ്സ്) മുക്കൂർ, തിരുവല്ല
ഔദ്യോഗിക ജീവിതം
വഹിച്ച പദവികൾ	Apostolic Visitor to North America and Europe (2001–2003), Metropolitan Bishop of Tiruvalla (2003–2006), Metropolitan Archbishop of Tiruvalla (2006–2007)

മലങ്കര സുറിയാനി കത്തോലിക്കാ സഭയുടെ അധ്യക്ഷനും സഭയിൽ നിന്നുള്ള പ്രഥമ കർദ്ദിനാളുമാണ് മേജർ ആർച്ച് ബിഷപ്പ് ബസേലിയോസ്‌ ക്ലീമിസ് കാതോലിക്കാ ബാവാ.

ജീവിതരേഖ

1959 ജൂൺ 15-ന് പത്തനംതിട്ട ജില്ലയിലെ തിരുവല്ലക്ക് സമീപം മുക്കൂർ എന്ന സ്ഥലത്താണ് മാർ ക്ലീമിസ് ജനിച്ചത്. ഐസക്ക് തോട്ടുങ്കൽ എന്നായിരുന്നു ആദ്യനാമം. തിരുവല്ല മൈനർ സെമിനാരിയിലെ വിദ്യാഭ്യാസത്തിന് ശേഷം ആലുവാ മംഗലപ്പുഴ സെന്റ്.ജോസഫ്സ് പൊന്തിഫിക്കൽ ഇൻസ്റ്റിട്ട്യൂട്ടിൽ നിന്ന് ഫിലോസഫിയിൽ ബിരുദവും(1979 -1982) പൂന പേപ്പൽ സെമിനാരിയിൽ നിന്ന് ദൈവശാസ്ത്രത്തിൽ ബിരുദവും(1983 - 1986) നേടി.

1986 ജൂൺ 11-ന് പൗരോഹിത്യ പട്ടം സ്വീകരിച്ച അദ്ദേഹം ബാംഗ്ലൂർ ധർമ്മാരാം കോളേജിൽ ദൈവശാസ്ത്രത്തിൽ ബിരുദാനന്തരബിരുദ പഠനം (1986 -1989) നടത്തുകയും 1997-ൽ റോമിലെ ആഞ്ചലിക്കം സർവ്വകലാശാലയിൽ നിന്നും സഭൈക്യദൈവശാസ്ത്ര(Ecumenical Theology)ത്തിൽ ഡോക്ടറേറ്റ് നേടുകയും ചെയ്തു.

തിരികെ കേരളത്തിലെത്തിയ അദ്ദേഹം ബത്തേരി രൂപതയുടെ വികാരി ജനറൽ സ്ഥാനം വഹിച്ചു. 18 ജൂൺ 2001-ൽ ജോൺ പോൾ രണ്ടാമൻ മാർപ്പാപ്പ അദ്ദേഹത്തെ തിരുവനന്തപുരം രൂപതയുടെ സഹായമെത്രാൻ സ്ഥാനത്തേക്ക് നിയോഗിച്ചു. 15 ആഗസ്റ്റ് 2001-ൽ ഐസക്ക് മാർ ക്ലീമിസ് എന്ന പേരിൽ സ്ഥാനാരോഹിതനായി. 2003 സെപ്തംബെർ 11 -ന് തിരുവല്ല രൂപതയുടെ മെത്രാനായ അദ്ദേഹം തിരുവല്ല രൂപതക്ക് അതിരൂപത പദവി ലഭിച്ചതിനാൽ 2006 ജൂൺ 10-ന് തിരുവല്ല അതിരൂപതയുടെ പ്രഥമ ആർച്ച് ബിഷപ്പ് സ്ഥാനത്തേക്ക് ഉയർത്തപ്പെട്ടു.[1] 2007 ജനുവരി 18-ന് മേജർ ആർച്ച് ബിഷപ്പായിരുന്ന മാർ സിറിൽ ബസേലിയോസ് നിര്യാണത്തെ തുടർന്ന് 2007 ഫെബ്രുവരി 10-ന് മാർ ക്ലീമിസിനെ സഭ ആ സ്ഥാനത്തേക്ക് മാർപ്പാപ്പായുടെ അംഗീകാരത്തോടെ തെരഞ്ഞെടുത്തു. 2007 മാർച്ച് 5-ന് അദ്ദേഹം മാർ ബസേലിയോസ്‌ ക്ലീമിസ് എന്ന നാമത്തിൽ തിരുവനന്തപുരം പട്ടം സെന്റ് മേരീസ് കത്തീഡ്രലിൽ വെച്ച് സീറോ-മലങ്കര കത്തോലിക്ക സഭയുടെ രണ്ടാമത്തെ മേജർ ആർച്ച് ബിഷപ്പ്സ്ഥാനത്തേക്ക് ആരോഹിതനായി.

കർദ്ദിനാൾ പദവി

ബസേലിയോസ്‌ ക്ലീമിസിനെ സഭയിലെ പ്രഥമ കർദ്ദിനാളായി ബെനഡിക്ട് പതിനാറാമൻ മാർപ്പാപ്പ 2012 ഒക്ടോബർ 24-ന് പ്രഖ്യാപനം ചെയ്തു. നവംബർ 24-ന് കർദ്ദിനാളായി സ്ഥാനാരോഹണം ചെയ്യപ്പെട്ടു[1].

അവലംബം

1. "ആർക്കൈവ് പകർപ്പ്". Archived from the original on 2012-10-25. Retrieved 2012-10-25.

പുറത്തേക്കുള്ള കണ്ണികൾ