പ്രജേഷ് സെൻ

പ്രജേഷ് സെൻ
ജനനം	(1979-05-29) 29 മേയ് 1979  (45 വയസ്സ്) കിളിമാനൂർ, തിരുവനന്തപുരം, കേരളം, ഇന്ത്യ
തൊഴിൽ(കൾ)	ചലചിത്ര പ്രവർത്തകൻ തിരക്കഥാകൃത്ത് പത്രപ്രവർത്തകൻ
ജീവിതപങ്കാളി	സബീന എസ്.കെ. ​ (m. 2013)​
കുട്ടികൾ	1

ചലചിത്രപ്രവർത്തകൻ, എഴുത്തുകാരൻ, പത്രപ്രവർത്തകൻ എന്നീ നിലകളിൽ അറിയപ്പെടുന്ന ഒരു വ്യക്തിയാണ് ജി. പ്രജേഷ് സെൻ (ജനനം: 29 മെയ് 1979).

2017-ൽ ക്യാപ്റ്റൻ എന്ന ചിത്രമാണ് അദ്ദേഹത്തിന്റെ സംവിധാനത്തിൽ ആദ്യമായി പുറത്തിറങ്ങിയത്.

ജീവിതരേഖ

ഗോപി എൻ, ടി കെ ലതിക എന്നിവരുടെ മകനായി 1979-ൽ കിളിമാനൂരിലാണ് പ്രജേഷ് സെൻ ജനിച്ചത്. സബീന എസ്.കെ ഭാര്യയും അലൻ പി. സെൻ മകനുമാണ്[1].

മാധ്യമപ്രവർത്തകനായി ആകാശവാണി (തിരുവനന്തപുരം), മാധ്യമം ദിനപത്രം എന്നിവയിൽ ജോലിചെയ്തു. 2013-ൽ പത്രപ്രവർത്തന രംഗത്തെ മികവിനുള്ള രാംനാഥ് ഗോയങ്ക അവാർഡ് ലഭിച്ചിരുന്നു. സംവിധായകൻ സിദ്ദിഖിനൊപ്പം സഹസംവിധായകനായി അദ്ദേഹം സിനിമാ ജീവിതം ആരംഭിച്ചു.

ഐ.എസ്.ആർ.ഒ യിൽ ശാസ്ത്രജ്ഞനായിരുന്ന നമ്പിനാരായണന്റെ ജീവചരിത്രമായ ഓർമ്മകളുടെ ഭ്രമണപഥം എന്ന കൃതി തയ്യാറാക്കിയത് പ്രജേഷ് സെൻ ആയിരുന്നു[2]. നമ്പി, ദ സയന്റിസ്റ്റ് എന്ന ഡോക്യുമെന്ററിയും അദ്ദേഹം നിർമ്മിച്ചിരുന്നു[3]. ഡച്ച് സംവിധായകൻ ജാക്കോ ഗ്രോണിനൊപ്പം പ്രജേഷ് സെൻ അസോസിയേറ്റ് പ്രൊഡ്യൂസറായി പ്രവർത്തിച്ചിട്ടുണ്ട്. റോക്കട്രി: ദി നമ്പി ഇഫക്‌റ്റിൽ സഹസംവിധായകനായി സെൻ പ്രവർത്തിച്ചു.

പ്രജേഷിന്റെ രണ്ടാമത്തെ ചിത്രമായ വെള്ളം 2021 ജനുവരി 22-ന് പുറത്തിറങ്ങി. ചിത്രത്തിലെ നായകനായ ജയസൂര്യ മികച്ച നടനായി സംസ്ഥാന ചലചിത്ര അവാർഡ് കരസ്ഥമാക്കി. അതേ ചിത്രത്തിലെ ഗായകൻ ഷഹബാസ് അമനും അവാർഡ് നേടിയിരുന്നു[4].

ദി സീക്രട്ട് ഓഫ് വിമൻ , മേരി ആവാസ് സുനോ എന്നിവയാണ് പ്രജേഷ് സെന്നിന്റെ മൂന്നാമത്തെയും നാലാമത്തെയും ചിത്രങ്ങൾ[5][6][7][8]. ഗോപിനാഥ് മുതുകാടിന്റെ ഡിഫറന്റ് ആർട്ട് സെന്റർ എന്ന സ്ഥാപനവുമായി സഹകരിച്ച് പ്രവർത്തിക്കുന്നുണ്ട് അദ്ദേഹം[9][10]. അഷറഫ് താമരശ്ശേരിയുടെ ജീവിതവുമായി ബന്ധപ്പെട്ട ചലചിത്രമാണ് അദ്ദേഹത്തിന്റെ അടുത്ത ചിത്രമെന്ന് പറയപ്പെടുന്നു.

രചനകൾ

• വാടകക്കൊരു തൊട്ടിൽ (2008) [11]
• മാഞ്ചി എന്ന ടെസ്റ്റ് ട്യൂബ് ശിശുവിന്റെ ആത്മകഥ[12]
• ഏകലവ്യന്റെ വിരൽ (2009) [13]
• തന്മാത്രകൾ (2009) [14]
• ഓർമ്മകളുടെ ഭ്രമണപഥം ( നമ്പി നാരായണനൊപ്പം എഴുതിയത്) (2017) [15] [16]

റഫറൻസുകൾ

1. "Prajesh Sen heads to bollywood". Times of india. 29 December 2018.
2. "Nambi Narayanan Autobiography". Firstpost Web. 26 October 2017.
3. "Prajesh Sen Books". Commonfolks Web.
4. "ഗ്രേറ്റ് ഇന്ത്യൻ കിച്ചൺ മികച്ച ചിത്രം, നടൻ ജയസൂര്യ,നടി അന്ന ബെൻ | Kerala State Film Awards 2020 Best Movie actor actress nominations director". Archived from the original on 16 October 2021. Retrieved 17 October 2021.
5. "Captain director Prajesh Sen's next is an emotional thriller, titled The Secret of Women". TOI. 26 December 2020.
6. "'The Secret of Women' poster: Niranjana Anoop gets roped in play the lead in Prajesh Sen's next". TOI. 26 December 2020.
7. "'ദി സീക്രട്ട് ഓഫ് വിമെൻ'; നിരഞ്ജനയെ നായികയാക്കി പ്രജേഷ് സെൻ". Madhyamam. 24 December 2020.
8. "'Meri Awas Suno' is the title of Manju – Jayasurya film by Prajesh Sen". TOI. 13 Feb 2021.
9. "Home". differentartcentre.com.
10. "ഭിന്നശേഷി കുട്ടികളുടെ പ്രതിഭ ലോകമറിയട്ടെ; ഡിജിറ്റൽ കലാവിരുന്നുമായി മുതുകാട്".
11. "Vadakakkoru thotil". udumalai web. Archived from the original on 2023-04-02. Retrieved 2023-09-11.
12. "Manji – Prajesh Sen Book". Indulekha Web. Archived from the original on 2015-05-01. Retrieved 2023-09-11.
13. "Ekalavyante Viral – Prajesh Sen Book". Indulekha Web. Archived from the original on 2019-05-17. Retrieved 2023-09-11.
14. "Thanmatrakal – Prajesh Sen Book". Indulekha Web.^[പ്രവർത്തിക്കാത്ത കണ്ണി]
15. "ക്യാപ്റ്റൻ ചിത്രീകരിച്ചതിങ്ങനെ". Madhayamam Daily. 27 February 2018.
16. "Nambi Narayanan Biography written by Prajesh Sen in Malayalam". New Indian Express. 27 October 2017.