|
പറശ്ശിനിക്കടവ്
  കേരളത്തിലെ കണ്ണൂർ ജില്ലയിലെ ഒരു ചെറിയ പട്ടണമാണ് പറശ്ശിനിക്കടവ്.(11°58'58.73"വടക്ക്, 75°24'7.45"കിഴക്ക്) കണ്ണൂർ നഗരത്തിൽ നിന്നും ഉദ്ദേശം 18 കി.മീ അകലെയാണ് പറശ്ശിനിക്കടവ്. കേരളത്തിലെ ഒരു പ്രധാന വിനോദസഞ്ചാര സ്ഥലമാണ് പറശ്ശിനിക്കടവ്. തളിപ്പറമ്പ്‌ താലൂക്കിൽ ആന്തൂർ നഗരസഭയിൽ വളപട്ടണം പുഴയുടെ കരയിലാണ് ഈ ഗ്രാമം സ്ഥിതിചെയ്യുന്നത്. പറശ്ശിനിക്കടവിലെ സ്നേക്ക് പാർക്ക് പ്രശസ്തമാണ്. വംശനാശത്തിനടുത്തു നിൽക്കുന്ന പല ഉരഗ വർഗ്ഗങ്ങളുടെയും സംരക്ഷണത്തിലും വളർച്ചയിലും ഈ പാർക്ക് വലിയ പങ്കുവഹിക്കുന്നു. 150 ഓളം വിവിധ തരം പാമ്പുകൾ ഈ പാർക്കിൽ ഉണ്ട്. കണ്ണട മൂർഖൻ, രാജവെമ്പാല, മണ്ഡലി (റസ്സത്സ് വൈപ്പർ), ക്രെയിറ്റ്, പിറ്റ് വൈപ്പർ തുടങ്ങിയവ ഈ പാർക്കിലുണ്ട്. വിഷമില്ലാത്ത പാമ്പുകളുടെ ഒരു വലിയ ശേഖരവും പല മലമ്പാമ്പുകളും ഈ പാർക്കിൽ ഉണ്ട്. പാമ്പുകളിൽ നിന്ന് വിഷം എടുക്കുന്നതിനായി ഒരു ഗവേഷണ പരീക്ഷണശാല സ്ഥാപിക്കുവാനുള്ള പദ്ധതി പുരോഗമിക്കുന്നു. പ്രശസ്തമായ മുത്തപ്പൻ ക്ഷേത്രം പറശ്ശിനിക്കടവിലാണ്. ഉത്തരകേരളത്തിലെ ഹിന്ദുക്കളുടെ ഇഷ്ടദൈവമായ ശ്രീ മുത്തപ്പന്റെ ഭക്തർ ഇവിടെ ആരാധനയ്ക്കായി വരുന്നു. ദിവസവും തെയ്യം വഴിപാടായി നടത്തുന്ന കേരളത്തിലെ ഏക ക്ഷേത്രം മുത്തപ്പൻ ക്ഷേത്രമാണ്. ആചാര പ്രകാരം എല്ലാ വർഷവുമുള്ള ക്ഷേത്രത്തിലെ ഉത്സവത്തിന് തയ്യിൽ കുടുംബത്തിൽ നിന്നുള്ള ഒരു പുരുഷൻ കണ്ണൂരുള്ള കുടുംബ ഭവനത്തിൽ നിന്ന് ജാഥയായി വന്ന് ക്ഷേത്രനടയിൽ എത്തി ദേവന്മാർക്ക് പൂജകൾ അർപ്പിക്കുന്നു. ഈ ചടങ്ങോടെയാണ് ഉത്സവം തുടങ്ങുന്നത്. പേരിനു പിന്നിൽകടവിനോട് ചേർന്നു കിടക്കുന്ന പറച്ചി ക്കാട്‌ പിന്നീട്‌ പറശ്ശിനിക്കടവായി എന്നു പഴമക്കാർ പറയുന്നു.  എത്തിച്ചേരാനുള്ള വഴി
ഇവയും കാണുക
ചിത്രശാല
പുറത്തേക്കുള്ള കണ്ണികൾ Parassinikkadavu എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്. 11°58′58.73″N 75°24′07.45″E / 11.9829806°N 75.4020694°E
|
||||||||||||||||||||
Portal di Ensiklopedia Dunia
