എൻ. കൃഷ്ണപിള്ള

ഇംഗ്ലീഷ് വിലാസം

https://ml.wikipedia.org/wiki/N._Krishna_Pillai

എൻ. കൃഷ്ണപിള്ള
ജനനം	1916 സെപ്തംബർ 22
മരണം	1988 ജൂലൈ 10
ദേശീയത	ഇന്ത്യ
തൊഴിൽ(s)	സാഹിത്യപണ്ഡിതൻ, ഗവേഷകൻ, നാടകകൃത്ത്, അദ്ധ്യാപകൻ
അറിയപ്പെടുന്നത്	നാടകത്തിനുള്ള കേരള സാഹിത്യ അക്കാദമി പുരസ്കാരം

സാഹിത്യപണ്ഡിതൻ, ഗവേഷകൻ, നാടകകൃത്ത്, അദ്ധ്യാപകൻ എന്നീ നിലകളിൽ പ്രശസ്തനായ വ്യക്തി. കേരള ഇബ്സൻ എന്ന് ചില പണ്ഡിതന്മാർ അദ്ദേഹത്തെ വിളിക്കുന്നു. 1916 സെപ്തംബർ 22-ംതിയ്യതി വർക്കലക്കടുത്തുള്ള ചെമ്മരുതിയിൽ ജനിച്ചു. വിദ്യാഭ്യാസം തിരുവനന്തപുരം ആർട്സ് കോളേജിൽ. 1938-ൽ എം എ ബിരുദം നേടി. 'കേരളസംസ്കാരത്തിലെ ആര്യാംശം' എന്ന വിഷയത്തിൽ തിരുവിതാംകൂർ സർവകലാശാലയിൽ ഗവേഷണം നടത്തി. കേരള സാഹിത്യ അക്കാദമിയുടെ ഏറ്റവും നല്ല നാടകത്തിനുള്ള അവാർഡ് 1958-ൽ 'അഴിമുഖത്തേക്ക്' എന്ന നാടകത്തിന് ലഭിച്ചു. 1972-ൽ 'തെരഞ്ഞെടുത്ത പ്രബന്ധങ്ങൾ'ക്ക് ഓടക്കുഴൽ അവാർഡ് ലഭിച്ചു.1987-ലെ സാഹിത്യ അക്കാമി അവാർഡ് 'പ്രതിപാത്രം ഭാഷണഭേദം'എന്ന ഗ്രന്ഥത്തിനാണ്‌ ലഭിച്ചത്. ഈ കൃതി സി.വി. രാമൻപിള്ളയുടെ നോവലുകളിലെ കഥാപാത്രങ്ങളുടെ സംഭാഷണ ശൈലിയെപ്പറ്റിയുള്ള ഒരാധികാരികമായ പഠനമാണ്‌. 1988 ജൂലൈ 10 ന് അന്തരിച്ചു[1].

പ്രധാനകൃതികൾ

പഠനങ്ങൾ

• കൈരളിയുടെ കഥ,
• പ്രതിപാത്രം ഭാഷണഭേദം
• അടിവേരുകൾ,
• കാളിദാസൻ മുതൽ ഒ എൻ വി വരെ,
• നിരൂപണരംഗം.

നാടകങ്ങൾ

• ഭഗ്നഭവനം,
• കന്യക,
• അഴിമുഖത്തേക്ക്,
• ഇത്തിൾകണ്ണിയും കൂനാങ്കുരുക്കും,
• എൻ കൃഷ്ണപ്പിള്ളയുടെ ലഘുനാടകങ്ങൾ
• ബലാബലം,
• ദർശനം,
• അനുരഞ്ജനം,
• മുടക്കുമുതൽ
• ചെങ്കോലും മരവുരിയും
• കുടത്തിലെ വിളക്ക്
• മരുപ്പച്ച

[2].

ജീവചരിത്രം

• പ്രിയസ്മരണകൾ

അവലംബം

1. ജീവചരിത്രക്കുറിപ്പ്, കൈരളിയുടെ കഥ(2002)പുറം 1, ഡി സി ബുക്സ് കോട്ടയം.
2. ഡോ. വയലാ വാസുദേവൻപിള്ള.'നാടക സാഹിത്യം'(ലേഖനം), സമ്പൂർണ്ണ മളയാള സാഹിത്യചരിത്രം,പുറം. 802-04, കറന്റ് ബുക്സ് കോട്ടയം.

പുറത്തേക്കുള്ള കണ്ണികൾ