അബിൻ ജോസഫ്

ഇംഗ്ലീഷ് വിലാസം

https://ml.wikipedia.org/wiki/Abin_Joseph

അബിൻ ജോസഫ്
ജനനം	(1990-10-26) 26 ഒക്ടോബർ 1990  (34 വയസ്സ്) കീഴ്പ്പള്ളി, കണ്ണൂർ ജില്ല, കേരളം
തൊഴിൽ	ചെറുകഥാകൃത്ത്, പത്രപ്രവർത്തകൻ
ദേശീയത	ഇന്ത്യ
ശ്രദ്ധേയമായ രചന(കൾ)	കല്യാശ്ശേരി തീസീസ് (ചെറുകഥാസമാഹാരം)
അവാർഡുകൾ	കേന്ദ്ര സാഹിത്യ അക്കാദമി യുവ പുരസ്കാർ കേരള സാഹിത്യ അക്കാദമി ഗീത ഹിരണ്യൻ എൻഡോവ്മെന്റ്

ഒരു മലയാളി ചെറുകഥാകൃത്ത് ആണ് അബിൻ ജോസഫ്. അബിന്റെ, കല്യാശേരി തീസിസ് എന്ന രചനയ്ക്ക് കേന്ദ്ര സാഹിത്യ അക്കാദമിയുടെ 2020 ലെ യുവപുരസ്കാരവും കേരള സാഹിത്യ അക്കാദമി ഗീതാഹിരണ്യൻ എൻഡോവ്‌മെന്റും ലഭിച്ചിട്ടുണ്ട്.[1]

ജീവിതരേഖ

കണ്ണൂർ ജില്ലയിലെ ഇരിട്ടിക്കടുത്ത് കീഴ്പ്പള്ളിയിൽ തട്ടത്ത് ജോയിയുടെയും മേരിയുടെയും മകനായി 1990 ഒക്ടോബർ 26 ന് ജനനം.[2] ആയിരത്തിത്തൊള്ളായിരത്തി അറുപതുകളിൽ കോട്ടയം കുറുപ്പന്തറ മേഖലയിൽ നിന്ന് കണ്ണൂരിലെ മലയോര മേഖലയിലേക്ക് കുടിയേറിയവരാണ് അബിന്റെ കുടുംബം.[3] ഇടവേലി ഗവൺമെന്റ് എൽപി സ്കൂൾ, വെളിമാനം സെന്റ് സെബാസ്റ്റ്യൻസ് ഹയർസെക്കണ്ടറി സ്കൂൾ എന്നിവിടങ്ങളിൽ നിന്നായി സ്കൂൾ വിദ്യാഭ്യാസം.[4] തുടർന്ന് ഇരിട്ടി എം.ജി. കോളേജിൽ നിന്ന് ഭൌതികശാസ്ത്രത്തിൽ ബിരുദവും ഡോൺ ബോസ്കോ കോളേജിൽ നിന്ന് ജേർണലിസത്തിൽ ബിരുദാനന്തര ബിരുദവും നേടി.[4] മാതൃഭൂമി പീര്യോഡിക്കൽസിൽ സബ് എഡിറ്ററായിരുന്നു.[4]

സാഹിത്യ സംഭാവനകൾ

• കല്യാശേരി തീസീസ്- കല്യാശേരി തീസീസ് എന്ന കഥ ഉൾപ്പടെ എട്ട് കഥകളുടെ സമാഹാരം

പുരസ്കാരങ്ങൾ

• കേന്ദ്ര സാഹിത്യ അക്കാദമി യുവ പുരസ്കാർ (2020)[1]
• കേരള സാഹിത്യ അക്കാദമി ഗീതാഹിരണ്യൻ എൻഡോവ്‌മെന്റ്[3]
• ഉറൂബ് അവാർഡ്[3]
• അങ്കണം ഇ.പി. സുഷമ എൻഡോവ്‌മെന്റ്[3]
• രാജലക്ഷ്മി കഥാപുരസ്‌കാരം[3]
• കൽക്കത്ത കൈരളി സമാജം എൻഡോവ്‌മെന്റ്[3]
• കണ്ണൂർ സർവകലാശാല കഥാപുരസ്‌കാരം[3]
• അകം മാസിക കഥാപുരസ്‌കാരം[3]
• കലാകൗമുദി കഥാപുരസ്‌കാരം[3]

അവലംബം

1. "അബിൻ ജോസഫിന് കേന്ദ്ര സാഹിത്യ അക്കാദമി യുവ പുരസ്‌കാരം". Kairali News | Kairali News Live l Latest Malayalam News. 16 ജൂലൈ 2021.
2. "രാഷ്ട്രീയമുള്ള എഴുത്തുകാരനാവാൻ സദാ പ്രസ്താവനകൾ നടത്തണമെന്നില്ല: അബിൻ ജോസഫ്‌ - Abhimukham".
3. "മലയോരത്തേക്ക് കേന്ദ്രപുരസ്കാരത്തിളക്കം". ManoramaOnline.
4. "അബിൻ ജോസഫ്" (PDF). Archived from the original (PDF) on 2021-07-17. Retrieved 2021-07-17.