|
അക്രോൺ
കൃത്രിമറബറിന്റെ ആസ്ഥാനമെന്നു വിശേഷിപ്പിക്കപ്പെടുന്ന അമേരിക്കൻ നഗരം. 41o7' വടക്ക്; 81o37' പടിഞ്ഞാറ് ഒഹായോ സംസ്ഥാനത്തിൽ ഈറി തടാകതീരത്തുനിന്നും 28 കി.മീ. തെക്കായി സ്ഥിതിചെയ്യുന്ന അക്രോൺ വൻകിട വ്യവസായങ്ങളുടെ കേന്ദ്രമാണ്. ഈറി തടാകത്തിൽ പതിക്കുന്ന ഗതാഗതയോഗ്യമായ ലിററിൽ ഗ്വയാഹോഗാ നദിയുടെ കരയിലാണ് ഈ പട്ടണം. ഇവിടെ റബർവ്യവസായം, പ്രത്യേകിച്ച് ടയർനിർമ്മാണം, അത്യധികം അഭിവൃദ്ധിപ്പെട്ടിരിക്കുന്നു. സമുദ്രനിരപ്പിൽനിന്നും ഉദ്ദേശം 260 മീ. ഉയരത്തിലുള്ള ഈ പട്ടണം അമേരിക്കൻ വ്യോമയാനഗവേഷണത്തിന്റെ മുഖ്യകേന്ദ്രങ്ങളിലൊന്നാണ്; ആധുനികസജ്ജീകരണങ്ങളുള്ള ഒരു ഒന്നാംകിട വിമാനത്താവളവും ഇവിടെയുണ്ട്. പ്ലാസ്റ്റിക് സാധനങ്ങൾ, ഉടുപ്പുകൾ, വാഹനങ്ങൾ തുടങ്ങിയവ നിർമ്മിക്കുന്ന ധാരാളം ഫാക്ടറികൾ കാണാം. ഭക്ഷ്യോത്പന്നവ്യവസായവും അഭിവൃദ്ധിപ്പെട്ടിട്ടുണ്ട്. കറുത്തവരുടെ സ്വാതന്ത്യത്തിനുവേണ്ടി ശബ്ദമുയർത്തിയ ജോൺ ബ്രൗണിന്റെ (1800-59) ജൻമസ്ഥലമാണിവിടം. ഇവിടെ ഒരു സർവകലാശാലയുമുണ്ട്. അവലംബം
പുറംകണ്ണികൾ
|
||||||||||||||||||||||||||||||||||||||||||||||||||||||||||||||
Portal di Ensiklopedia Dunia
