Satyricon

Ensampel a	ober liennek
Awtour	Petronius
Gwlas	Emperoureth Romanek
Yeth	Latin
Dalleth/Fondya	1 century
Eghen	Menippean satire, erotika
Rol a warioryon	Trimalchio, Habinnas, Agamemnon, Ascyltos, Giton, Encolpius, Eumolpus, Fortunata, Oenothea, Quartilla, Scintilla, Tryphaena, Proselenos, Lichas
Studh gwirbrintyans	public domain, public domain
Restrennow kelmys war Gemmyn Wikimedia

Satyricon po 'Satyricon liber' ew hanow lever gen Gaius Petronius thew prederys bos an kensa novel skrifys besketh. An hanow a styr ‘Lever a aventurs haval dhe satyr’. Skrifys veu an lever e’n tavas Latin e’n kensa kansvledhen O.K.. Emsan ober a gomprehend kemyskans a yeth plen ha vers, elvednow hwarthus ha sevur war-barth ha radnow erotek.

Nag eus saw radnow an ober gwreydhek owth ekistya hedhyw. Hebm ew an sekond moyha kowal novel romanek, woja ‘An asen owrek’ gen Apuleius.

Ema an lever ow teskrifa aventurs an hwedhlor, Encolpius, ha’y geth ha karer Giton, maw semli 16 bloodh. Satyricon ew dustuni a les rag deskrifa pana sort a vownans o dhe romans klass oberi e’n oos na. En-mysk an chaptrys ew deskrivans a vri ‘Kevewi Trimalchio’. Ema Encolpius ha’y gowetha ow mos dhe gevewi den frank pur wolusek. Trimalchio a wra dyghtya sandys skollyek ha meur aga spendyans, ha diskwedhes y rychys ha fayntys adhysk. Pan vo Trimalchio ow mos dhe’n privedhyow, an gwestoryon erel a gows a-dro dhe daklow normal, an gewer, termynyow kalish, gwarioryon poblek hag adhysk aga fleghes. En y dheskrifans a vownans pub dydh an werin, Petronius a gebmer delit ow tiskwedhes fowt jentylys ha fayntys an bobel wolusek bes anlettrys. Petronius a wra usya tavas an werin en y lyver, leun a lavarow koth ha mollethi.

Lies lever arnowydh a gomprehend darnow a Satyricon.

• 'Trimalchio' o hanow versyon a-varr ‘The Great Gatsby’ gen F.Scott Fitzgerald.
• Kan a vri 'The Waste Land' gen T. S. Eliot a gomprehend devyn ger rag ger dhort Satyricon.
• An novel ‘The Picture of Dorian Gray’ gen Oscar Wilde a gomprehendas mencyon.

En 1969, gwres veu dew versyon fylm a’n lever. Selys en lows war an lever o fylm Federico Fellini ha’n fylm aral, kevarwodhys gen Gian Luigi Polidoro.

Ema bagas rock olkan du dhort Norgagh henwys Satyricon.

• 
  An bagas rock Satyricon
• 
  Versyon a Satyricon dyllys en Frynk en 1587
• 
  Onan a gevres a dhelinyansow gwres gans Norman Lindsay (onan a lymnoryon moyha a vri Ostrali)
• 
  An devyn en 'The Waste Land' gen T.S.Eliot

Ma an erthygel ma usya an Furv Skrifys Savonek a-barth Kernowek diwedhes.