|
Park Kenedhlek a' Mhonaidh Ruaidh
Park Kenedhlek a' Mhonaidh Ruaidh ew park kenedhlek en parh gledh Sgotlond. Henwys ew an tiredh ‘Cairngorms’ en Sowsnek dhort an Albanek, Cairn Gorm (Karn Glas) rag an menedh en tiredh Am Monadh Ruadh hag a styr Goon Rudh en Albanek. Apoyntys veu an park en 2003, an sekond a’n dhew apoyntys gen Senedh Alban. Hebm ew park kenedhlek moyha Breten Veur.
Trigys ew a-dro dhe 18,000 dhen e’n park. An trevow moyha ew Aviemore, Ballater, Grantown-on-Spey ha Kingussie. Tornyaseth a gompreghend 80% a’n ekonomiedh leel. En 2018, rekordys veu a-dro dhe 1.9 milvil omwelor, an radn voyha anodhans dhort Sgotlond, 25% dhort powyow erel e’n R.U. ha 21% dhort powyow erel. An menedhyow a gompreghend tri uheldir gwastas, gen uhelder tredh 1,000 ha 1,300 m. Serth ew emlow an uheldiryow, pur wiw rag skia, krambla ha krambla rew. Chif tiredh tundra en Breten Veur ew kerhednedh an uheldiryow. Rekordys veu an yeynna temperedh en Breten Veur diwweyth e’n termyn eus passyes, -27.2°C en 1895 ha 1982 e’n park, en Braemar. Rekordys veu an kreffa gwens en Breten Veur en Cairn Gorm en 1993, hebm o 283 km/our. Pur goth ew karrygi an tiredh, ha'n brassa radn anodhans e'n Bagas Dalradek (tredh 800 ha 600 milvil bloodh). Herdhys veu men growan en-dadn tiredh an Park nanj ew a-dro dhe 400 milvil bledhen. Posek veu an Oos Rew rag formya tirwedhow an Park ewedh. Kevannedh ew an Park dhe lies best hag edhen tanow. An re a gompreghend koryar Alban, pluven ergh, owrer, boba buba, kerwys ergh ha skovarnogyon.    Am Monadh Ruadh dhort Càrn Liath en park dhehow an park
Ma an erthygel ma usya an Furv Skrifys Savonek a-barth Kernowek diwedhes. |
||||||||||||||||||||||||||||||||
Portal di Ensiklopedia Dunia
