Krestennek

Krestenogyon Efander menhesennow: Kembrek – lemmyn 511-0 Ma
Kanker (Liocarcinus marmoreus)
Klassans bewoniethek
Gwlaskor:	Animalia
Fylum:	Arthropoda
Isfylum:	Crustacea Brünnich, 1772
Klassys
Branchiopoda Remipedia Cephalocarida Maxillopoda (sker h.e.) Ostracoda Malacostraca (kankres, legesti, gwrahes oles h.e.) Oligostraca Ichthyostraca Branchiura Pentastomida Mystacocarida Ostracoda Myodocopa Podocopa Multicrustacea †Cyclida Copepoda Thecostraca Ascothoracida Cirripedia Facetotecta Malacostraca Phyllocarida Hoplocarida Eumalacostraca Tantulocarida †Priscansermarinidae Allotriocarida Branchiopoda Phyllopoda Sarsostraca Cephalocarida Remipedia Komprehendys yn skorennek, mes eksludys yn hengovek dhyworth krestennogyon Hexapoda (Hweghgarrogyon)

Krestennogyon yw divellkeynoges y'n isfylum Crustacea. Yma a-dro dhe 67,000 ehen y'n bagas,[1] ow komprehendya kankres, legesti, bibynes bubyn, sker ha gwrahes oles. Yma dew gopel a davellow dhedha ha rynnys yw aga garrow yn diw skorren dre vras.[2] Trigys yw an rann vrassa a grestenogyon y'n mor po yn dowr fresk. nebes anedha re removas dhe dir yn fast. Krestennogyon hag a vyw war an tir a gomprehend nebes kankres ha gwraghes oles. Varya a wrons yn aga myns yntra arvil gans hys a 0.1mm dhe evrik Nihon gan treuslinen garrow a 4.3 meter ha gravedh a 20 kg.

An brassa rann a grestennogyon yw gwayadow, mes re a dheu ha bos stag wosa an studh pryv. Bernaklys yw krestennogyon a dheu has bos stag dhe veyn waran arvor. Teurogel yw nebes anedha, kepar ha low puskes ha preves taves. Dell yw usys, krestennogyon a's teves reydhow dyffrans, mes re anedha yw gourvenenrydh. Gori a wra aga oyow dhe breves. Avel tevesigyon, krestennogyon a wra mutya aga kregyn rag moghhe myns.

Askorrys yw moy ages 10 milvil tonnas a grestennogyon gans pyskessa po ammeth rag boosa tus, an brassa rann anodho bibynes bubyn. Nyns eus meur a byskessa krill po kopepodow, kynth yns i an biomas eneval moyha war an planet, rann vewek a'n gadon voos.

Taksonomieth krestennogyon

Tybys yw dell re esplegyas krestennogyon ha hwesker dhyworth hendas Pancrustacea. Yn hengovek nyns yw hwesker komprehendys yn krestennogyon, mes studhyansow TDN a-dhiwedhes re brevas an kolm.

Taksonomieth an krestennogyon

Klass	Eseli	Urdhow	Skeusen
Ostracoda	Ostrakodow (Bibynes bubyn hasen)	Myodocopida Halocyprida Platycopida Podocopida	Cylindroleberididae (Myodocopida)
Mystacocarida	Mystococaridans	Mystococarida	Derocheilocaris remanei
Ichthyostraca	Preves taves ha low puskes	Cephalobaenida Porocephalida Raillietiellida Reighardiida Arguloida	Armillifer armillatus (Porocephalida)
Thecostraca	Facetotecta Ascothoracida Bernaklys	Facetotecta Dendrogastrida Laurida Cryptophialida Lithoglyptida h.e.	Perforatus perforatus (Cirripedia)
Copepoda	Kopepodow	Calanoida Polyarthra Cyclopoida Gelyelloida Harpacticoida Misophrioida h.e.	Cylindroleberididae (Calanoida)
Tantulocarida	Tantulokaridians		Microdajus sp.
Malacostraca	Stomatopodow Degkarrogyon Krill Isopodow Bibynes bubyn komma Amfipodow h.e.	Stomatopoda Decapoda Euphausiacea Isopoda Cumacea Amphipoda h.e.	Ocypode ceratophthalma (Decapoda)
Cephalocarida	Bibynes bubyn margh-horn	Brachypoda	Hutchinsoniella macracantha
Branchiopoda	Bibynes bubyn fin Hwenn dowr Bibynes bubyn penn du Spinicaudata	Anostraca Notostraca Laevicaudata Spinicaudata etc.	Lepidurus arcticus (Notostraca)
Remipedia	Remipedow	Nectiopoda †Enantiopoda	Speleonectes tanumekes
Eksludys yw hweghgarrogyon yn hengovek dhyworth krestennogyon
Hexapoda	Lostow spryng Pennow pigorn Lostow reun Hwesker	Odonata Orthoptera Coleoptera Neuroptera Hymenoptera h.e.	Mantispa styriaca (Neuroptera)

Devynnow

1. Zhang, Zhi-Qiang (2011) Phylum Arthropoda von Siebold, 1848, Animal biodiversity: an outline of higher-level classification and survey of taxonomic richness, Zootaxa, 4138 (99–103).
2. Barnes, Robert D. (1987) Invertebrate Zoology, 5es dyllans, Saunders College Publishing.

Kevrennow a-ves

• (Sowsnek) Introduction to the Crustaceomorpha