Keltia Rok

Rekord keskorrys ew Keltia Rok, war label Kembrek Recordiau Sain.[1] An rekord kensa, ha’n udnik rekord (bys dhe 2020), gans kanow pop ha rock en oll an yethow Keltek ew.[2] Warnedhi ema’n kanow rock kensa en Kernowek ha Manowek. Dyllys veu an rekord dres an Esedhvos Kenedhlek Kembra en Porthmadog en Mis Est 1987. Lesrynnys veu avel rekord vinyl (Sain 1412M) hag avel songist (Sain C612N) gans Revolver / The Cartel a Bristow.[3]

Kilva ha rekordya

Davyth Fear, trevnydh an blasen

Ordenys veu an blasen gans Davyth Fear, skrifednyas an Kesunyans Keltek e’n termyn na.[4][5] Thera argemydnow rag kowethyansow yethow keltek war gil an gudhlen. Thera imach a vagas rap Kembrek Llwybr Llaethog war an greuv.[6]

Daswelyow

Daswelys veu an blasen gans levrow termyn. En ‘Y Faner’, Dulais Rhys a berderis y vos dewis didheurek gans kudhlen gooth. E'n NME, Adrian Tierney-Jones a leveris y vos rekord arnowydh gans nebes kanow “warming the cockles of the Celtic heart” (styr an lavar na ew ‘ow trei lowena dhe’n golon geltek’). Styr gwir an rekord ew, en-medh ev, bos an yethow na byw.’

Rol an kanow

#	Artydh	Kan	Trelyans Kernewek	Kenedhel	Skrifer
1	Eirin Peryglus	Glawogydd	Glaw	Kembra	geryow hag ilow – Eirin Peryglus
2	Brian Webb	Tan y’n Golon	-	Kernow	geryow hag ilow –Webb
3	Rinne Mamaí Ciste Milis	Brionglóidí	Hunrosow	Iwerdhon	geryow –Bradley, ilow – Muinzer & Clenaghan
4	Mona Jaouen	Pell war an Hent	Pell war an hyns	Breten Vyghan	ilow – le Vallegant, aray – Beauvir & le Vallegant
5	Na Fíréin	Deireadh na Seachtaine	An pedn-seythen	Iwerdhon	geryow– Mac Séalaigh, ilow – Smith & Mac Séalaigh
6	Ragamuffin	Gowlwryans	-	Kernow	geryow – Humphreys & Lyon, ilow - Ragamuffin
7	Dazont	Lazhadeg ar Yezh	Gorladhva an yeth	Breten Vyghan	geryow hag ilow - Dazont
8	Ny Slommaghyn	O Vanninee	O bobel Manow	Enys Manow	geryow hag ilow – Carswell, aray – Ny Slommaghyn
9	E.V.	Ar Gwener (e Gwer)	De'Gwener (en wyrdh)	Breten Vyghan	geryow hag ilow – J & H Perche
10	An Gof	Ma Kan y’nn Mein	-	Kernow	geryow – Hicks & Tim Saunders, ilow - Hicks
11	Pentothal	Plac’h ar Gwele Kloz	Mowes an gweli alwedhys	Breten Vyghan	geryow hag ilow - Tangi
12	Blasket Sound	Raithneach, a Bhean Bheag	Reden, mowes vian	Iwerdhon	hengovek
13	Gael Force	Suas leis a’Ghaidhlig	Albanek bys vykken	Alban	geryow hag ilow - Martin
14	Yr Anhrefn	Cornel	Kornel	Kembra	geryow hag ilow – Sebon, Rhys Mwyn, Hefin Huws & Gwyn

Kevrennow gans bagasow erel / notennow

1. Askorrys veu Glawogydd gans Gorwel Owen, gour Fiona Owen, an benn-ganores. Ema dhe ev askorrys rekordys rag an Super Furry Animals ha Gorky's Zygotic Mynci.[7]
2. Den posek en movyans yeth Kernowek o Brian Webb. Ev a verwis en 1986. [8]
3. Skrifys veu an gan ma gans Colin Muinzer ha James Clenaghan, eseli bagas rock Wordhonek Cruella de Ville kens es hemma.[9]
4. Esel gwreydhek bagas posek Bretenek Storlok o Mona Jaouen.[10]
5. Kan an moyha a-vri gans Na Fíréin ew versyon Wordhonek a gan ditel Kembrek an opera-rock Nia Ben Aur.[11]
6. Kan ‘An Wrannen’ gans Ragamuffin a waynyas an Gool Pan-Geltek en 1984.[12]
7. Eseli Dazont o rann a’n keskar Bretonek en Paris.[13]
8. An bagas kensa dhe gana rokk en Manowek o Ny Slommaghyn.[14][15]
9. Dew esel bagas E.V., an dhew vroder Jari ha Harri Perche, o dhyworth Pow Fynn. An bagas a wre kana en Bretonek, Frenkek ha Fynnek.[16]
10. Esel a Lavolta Latoka (bagas post-punk Bretennek) o Davyth Hicks. Woja henna ev a omjunyas Revenge gans Peter Hook, gitarydh faborden New Order.[17]
11. Esel gwreydhek bagas posek Bretenek Storlok o Bernez Tangi ewedh.[10]
12. Fyller Blasket Sound, Maire Breatnach, a wre skrifa ha performya versyon Keltek an musik a Final Fantasy IV.[18]
13. Noel Eadie, gitarydh faborden an bagas, o esel kensa bagas pop Albanek, Na h’Oganaich, hag a waynyas an PanKeltek en 1972.[19] [20]
14. Kaner Yr Anhrefn, Rhys Mwyn, o dyghtyer an bagas Catatonia ynter 1992 ha 1994. Da o gans an DJ John Peel an bagas.[21]

Dustuniow

1. Discogs - Keltia Rok
2. [1]
3. [2]
4. [3]
5. [4]
6. [5]
7. [6]
8. [7]
9. [8]
10. [9]
11. [10]
12. [11]
13. [12]
14. [13]
15. [14]
16. [15]
17. [16]
18. [17]
19. [18]
20. [19]
21. [20]

Ma an erthygel ma usya an Furv Skrifys Savonek a-barth Kernowek diwedhes.