Dillas

Klass	ober, askorras, artificial physical object, flat object
An dedhyans a-varra	170 millennium BC
Rann a	Gis, diwysyans dillas
Dallethys	57 millennium BC
Gwrier	tregher
Restrennow kelmys war Gemmyn Wikimedia

Dillas ew tra po gwias, gwriys war-barth dhe worheri radn a’n korf denel. Tus ew an udnik eneval a wisk dillas, ha pub den a wisk neb sort a dhillas gwiw.

Tus a ell gorheri an korf gen krys po pows, brehow gen breholow, diwarr gen lavrogow po lostednow, diwla gen manegow, treys gen eskijyow, ha’n pedn gen hattys po maskow. En ayredhow yeyn, tus a wisk kotys tew ewedh. Tus a ell gwiska ken dillas rag termynyow dyffrans, rag ensampel, e’n nos, rag oberi po rag solempnita arbednek.

Ema dillas ow kwitha an korf rag an Howl en powyow tobm. Dillas pekara kotys gwlan tew ha botas a weres gwitha an korf tobm en tempredhow oor pekara'n Arktik. Dillas a ell gwitha an korf rag damach ewedh.

Gwiskys ew dillas rag afina ha gis. Tus a wonisogethow dyffrans a wisk ken dillasow ha kryji en dyffrans ow tochya an sort a dhillas a dal bos gwiskys. Dhe lies den, dillas ew arwodh gre, po fordh a omvenegyans. Hebm ew an skila rag gonisogethow yonkers pekara ‘punk’, ‘Goth’ ha ‘hippy’.

Dallethvos dillas

Nag ew godhvedhys p’eur feu displegys dillas e’n kensa pres drefen bos dillas podradow, hag e hwarva en kensistorek. Nebes kedhlow a dheu dhort hwithrans ow tochya lew. Trigys ew lewen an korf en dillas, owth esplegya dhort lew gols nanj ew 107,000 bledhen. Ema hebma ow profya bos dillas owth ekistya e’n termyn na. Ema dismygrivow erel ow profya a-dro dhe 42,000–72,000 KOK.

Dedhys veu kota gwres a vilvlew gwiweres, kevys en fogow en Itali, dhe 23.000 KOK. En mis Gwydngala 2021, skiensydhyon a dherivas bos dustuni a dhillas gwres nanj ew 120,000 a vledhydnyow en godhesow en Marokk.

Taklow nag ew dillas

En venowgh pobel a afin aga horfow gen tremliw ha melysethow, ha treghi po chanjya an gols war aga fednow po bejethow. Ema tus ow kawas tatous ha korfliw. Bes nag uji tremliw po tatous dillas veth oll.

Mandaffar ew hanow taklow dell ew degys en le gwiskys, pekara skryppys, porsys, glawlednow ha gwelydni kerdhes, bes nag enjei ehednow a dhillas. Dewweder ha gemweyth ew mandaffar dell ew gorrys war an korf.

Devnydhyow usys rag gul dillas

Dillas ew gwres en venowgh a

• Gwias
  • Gwiasow naturel, pekara koton, lin, gwlan, kowargh hag owrlin
  • Gwiasow synthesek, pekara nylon, polyester hag akrylik
• Milvlew
• Ledher

Mirva

• 
  Paris 1860
• 
  Den Oba (Nijeri)
• 
  Benyn ow kwiska Kimono hengovek

Onan a'n kans erthygel posekka war Wikipedya yw an erthygel ma.

Onan a'n mil erthygel posekka war Wikipedya yw an erthygel ma.

Ma an erthygel ma usya an Furv Skrifys Savonek a-barth Kernowek diwedhes.