Dewnens

Dewnens
Lavar: Auxilio Divino
Nebes Derivadow
Rannvro	Rannvro Soth-West
Enep	6 707 km² (konteth solempnytel) 6 564 km² (heb an awtoritas unnik)
Pennsita	Karesk
Trevow erell	Aberplymm (awtorita unnik), Torbay (awtorita unnik), Totnes, Dartmouth, Tavistock, Barnstaple
Poblans (2002) Doesedh	1 082 287 a drigoryon 161 / km²
Baner Dewnens

Dewnens po Pow Densher (Sowsnek: Devon) yw konteth yn Pow Sows, a-dreus Dowr Tamar a Bow Kernow. Yma'n kontethow Gwlas an Hav ha Dorset war an Howldrehevel, Mor Havren a-gledh, hag an Chanel a-dheghow.

Yma deg ranndir yn Dewnens, mes Awtorita unnik|awtoritas unnik yw dew anedha: nyns yns i menystrys avel rannow a Dhewnans.

• Aberplymm (unnik)
• Dewnens Est
• Dewnens Kres
• Dewnens North
• Dewnens West
• Karesk
• South Hams
• Teignbridge
• Torbay (unnik)
• Torridge

Yma unnek esel an Senedh gans Dewnens.

Petrek yw tasek an vro.

Istori Dewnens

Wosa gasa an Romanyon, an Sowson skon a omsettyas orth Breten Veur. Y'n keth termyn, an Woedhyli a drevesigas yn Alban, Ynys Manow, ha Deghowbarth Kembra. Yn 577 OK, kas orth Deorham, ogas dhe Vristol, a dhiberthas an Vrythonyon a-gledhbarth (an Gembroyon) a Vrythonyon a-dheghowbarth (an Gernowyon po West-Kembroyon).

An Sowson a omgemmeras bresel erbynn an drigoryon vrythonek a Dhewnans (an Dumnonii) yn 614. Y teuth Dewnens ha bos rann a rywvaneth Wessex yn soedhogel yn 805. Æðelstán a Bow Sows a ordenas ladh leun a Vrythonyon dhewnansek rag klerhe an fordh dhe'n poblans sowsnek. Mes yth esa hwath tus a wodhya kewsel an tavas keltek bys yn 1400 (Risdon).

Yn 1549 yth esa Rebellyans Lyver Pysadow (yn Samford Courtenay) erbynn an lyvrow pysadow nowydh ha protestant.

Erbys

Avel Gernow, yth esa Dewnens ow kemmeres sten ha kober a'n balyow y'n pervedh.

Contethow istorek Pow Sows

Contethow gwrys kyns 1889: Bedfordshire • Berkshire • Buckinghamshire • Cargront • Cheshire • Cumberland • Derbyshire • Dewnans • Dorset • Durham • Essex • Evrek • Gloucestershire • Gwlas an Hav • Hampshire • Herefordshire • Hertfordshire • Huntingdonshire • Kernow • Kint • Lancashire • Leicestershire • Lincolnshire • Menow • Middlesex • Norfolk • Northamptonshire • Northumberland • Nottinghamshire • Rysoghen • Rutland • Shropshire • Staffordshire • Suffolk • Surrey • Sussex • Warwickshire • Westmorland • Wiltshire • Worcestershire