Bert Solomon

Bert Solomon
Genys	8 Meurth 1885  Resrudh
Mernans	30 Metheven 1961  Resrudh
Kenedhlogeth	Kernow
Galwesigeth	gwarier rugby unys
Sportys
Para	Klub Rugby Rysrudh, para kenedhlek Pow Sows rugby unys

Para Kernow y'n Gwariow Olympek, yma Bert Solomon owth esedha y'n rew kres war a dhyghow pella

Bert Solomon (8 Meurth 1885 – 30 Efan 1961) o gwarier rugbi unys a Gernow. Lies huni a dyb dell o ev an gwarier rugbi gwella dhort Kernow besketh. Y sleyneth war an park a via keworra 1000 a dus dhe’n routh. Onan a'y vreder o Barney Solomon.

Den digoweth o Bert Solomon, neb a gara y gelebmi, debri hogednow hag eva kor.

Ev a dhallathas gwari rag Redruth R.F.C. en 1903, ow mos distowgh dhe’n para kensa. Dewiswys veu ev rag Kernow skon woja hedna, hag ev a gawas 26 kapp rag Kernow. Kreswas ova war an park. Krev, bew ha skav o, gen uskisheans trobm ha’n gallos dhe wertha fekler.

Ev o en para Breten Veur en Gwariow Olympek pan gollas Breten Veur dhe Ostrali e’n fytt diwettha en Loundres, 26ens a vis Hedra 1908. Ev a skoryas ken kollas an para 3 – 32. Para Kernow a ganasedhas Breten Veur drefen anjei dhe waynya Kampyonsys an Kontethow erbydn Durham an keth bledhen. Solomon a skoryas diwweyth en aga thrygh en Rysrudh, 17-3.

Solomon a gawas y gapp kenedhlek udnik erbydn Kembra en 1910, bledhen gensa Twickenham. Y skoryas ev assay marthus en aga thrygh 11-6. Ken feu dewisys dhe wari rag Pow an Sowson teyrgweyth arta, ev a skonyas pub termyn. Pur ohelus o, ha nag o da ganjo gwari war-barth gwarioryon erel Pow Sows, adhyskys en skolyow poblek ha universitys. Derivys ew ev dhe skonya 400 a sovrans owr rag sina ha gwari rag para rugbi kesunyans en Pow an Sowson north. Ne wrug ev gwari besketh arta, rag Rysrudh, Kernow na Pow an Sowson.

Ma an erthygel ma usya an Furv Skrifys Savonek a-barth Kernowek diwedhes.