Tamaulipas

Tamaulipas
Estado ti Mehiko
Wagayway Eskudo
Ipakita ti mapa ti Tamaulipas Ipakita ti ladawan a mapa ti Tamaulipas Tamaulipas Ipakita ti mapa ti Mehiko
Nagsasabtan: 24°17′14″N 98°33′48″W Nagsasabtan: 24°17′14″N 98°33′48″W
Pagilian	Mehiko
Napundar	1824
Kapitolio	Ciudad Victoria
Kalawa
• Dagup	80,175.00 km^2 (30,955.74 sq mi)
Kangato	126 m (413 ft)
Populasion  (2015)[1]
• Dagup	3,441,698
• Densidad	43/km^2 (110/sq mi)
Sona ti oras	UTC−06:00
Kodigo ti koreo	87-89
Website	www.tamaulipas.gob.mx

Ti Tamaulipas (Panangibalikas nga Espaniol: [tamauˈlipas] (dengngen)), opisial a ti Nawaya ken Naturay nga Estado ti Tamaulipas (Espaniol: Estado Libre y Soberano de Tamaulipas), ket maysa kadagiti 31 nga estado, a no mairaman ti Pederal a Distrito, ket mangbukel kadagiti 32 a Pederal nga Entidad ti Mehiko. Daytoy ket nabingbingay kadagiti 43 nga ili ken ti kapitolio a siudadna ket ti Ciudad Victoria. Ti kapitolio a siudad ket naipanagan kenni Guadalupe Victoria, ti immuna a Presidente ti Mehiko.

Daytoy ket mabirukan idiay Akin-amianan a daya a Mehiko. Daytoy ket beddengan dagiti estado ti Veracruz iti abagatan a daya, ti San Luis Potosí iti abagatan a laud ken ti Nuevo León iti laud. Iti amianan, daytoy ket addaan iti 370 km (230 mi) a gay-at iti pagbeddengan ti Estados Unidos–Mehiko iti igid ti estado ti Texas.[2]

Ti nagan a Tamaulipas ket naala manipud iti Tamaholipa, ti Huastec a termino a ti pasakbay a tam- ket mangibaga iti "lugar (ayan)". Awan ti pagtunosan no ania ti kayat a sawen ti holipa, ngem ti "nangato a turturod" ket sapasap a pannakaipatarus.[3] Ti sabali pay a panangipalawag iti nagan ti estado ket naala manipud iti Ta ma ho'lipam ("lugar a paganupan dagiti Lipan").

Iti pay maipatinayon iti kapitolio a siudad ti Ciudad Victoria, dagiti kadakkelan a siudad ti estado ket mairaman ti Reynosa, Matamoros, Nuevo Laredo, ken Tampico.

Dagiti nagibasaran

1. http://www.inegi.org.mx/est/contenidos/proyectos/encuestas/hogares/especiales/ei2015/doc/eic_2015_presentacion.pdf.
2. "Tamaulipas" (PDF). SRE. Naiyarkibo manipud iti kasisigud (PDF) idi 2011-04-21. Naala idi Abril 7, 2011.
3. "Historia". Gobierno del Estado de Tamaulipas. Naiyarkibo manipud iti kasisigud idi 2010-12-23. Naala idi Abril 7, 2011.

Dagiti akinruar a silpo

Dagiti midia a mainaig iti Tamaulipas iti Wikimedia Commons
Pakaammo ti panagbiahe idiay Tamaulipas manipud iti Wikivoyage (iti Ingles)
Heograpiko a datos a mainaig iti Tamaulipas iti OpenStreetMap

• (iti Espaniol) Gobierno ti Estado ti Tamaulipas