Sasao a Tengnga ken Abagatan a Baro a Guinea

Tengnga ken Abagatan a Baro a Guinea
Asmat–Ok
Heograpiko a pannakaiwarwaras	Baro a Guinea
Lingguistika a pannakaidasig	Trans–Baro a Guinea Tengnga ken Abagatan a Baro a Guinea
Pannakabingbingay	Asmat–Kamoro Kalatakan nga Awyu Mombum Ok–Oksapmin Bayono-Awbono? Somahai?
Glottolog	cent2116
Mapa ti sasao a Tengnga ken Abagatan a Baro a Guinea ti Baro a Guinea   Ti Sasao a Tengnga ken Abagatan a Baro a Guinea   Dadduma a sasao a Trans–Baro a Guinea   Dadduma asasao a Papuano   Sasao nga Austronesio   Di matagtagitao

Ti sasao a Tengnga ken Abagatan a Baro a Guinea ket ti naisingasinga a pamilia ti sasao a Trans–Baro a Guinea. Dagitoy ket parte idi ti kasisigud a singasing ti Trans–Baro a Guinea da Voorhoeve & McElhanon, ngem napabassiten ti sakop babaen ti kagudua (manipud iti siam a pamilia iti uppat) iti panangidasig ni Malcolm Ross. Segun kenni Ross, daytoy ket saan a nalawag no dagiti panagpapada iti pangsandi iti pagbaetan dagiti uppat a nabati a sanga ti Tengnga ken Abagatan a Baro a Guinea ket dagiti pannakaala para kadagiti porma ti proto-Trans–Baro a Guinea wenno dagiti nakibingayan nga inobasion a mangipalawag ti bugbugtong a sanga ti Trans–Baro a Guinea. Nawaya nga insupsuppiat ni Voorhoeve para iti maysa a pakikabagian nga Awyu–Ok, ken timmuntunos met ni Foley a ti Asmat ket mabalin nga as-asideg iti Awyu ken Ok ti sasao a Trans–Baro a Guinea. Uray no kasta, dagiti uppat nga agmaymaysa a sanga ti napabassit a Tengnga ken Abagatan a Baro a Guinea ket nalawagda nga umiso a pamilia.

• Tengnga ken Abagatan a Baro a Guinea (Asmat–Ok)
  • Pamilia nga Asmat–Kamoro [ti kaudian a panagpadakkel iti igid ti abagatan nga aplaya]
  • Pamilia a Kalatakan nga Awyu
  • Pamilia a Mombum
  • Pamilia nga Ok–Oksapmin

Italinaay laeng ti Ethnologue (2009) ti Awyu–Dumut ken Ok, ken tinawtawagan ti sanga iti Ok–Awyu, ken ikabilna ti Asmat ken Mombuma kas dagiti nawaya a sanga ti Trans Baro a Guinea. Isilpo da Loughnane & Fedden (2011) ti Ok iti pagsasao nga Oksapmin.[1]

Ti sasao a Somahai ken ti kaudian a naduktalan a Bayono-Awbono ket mabalin pauy a maitagikua ditoy, ngem bassit laeng ti datos a pagibasaran.

Dagiti nagibasaran

1. Loughnane, Robyn and Fedden, Sebastian (2011) 'Is Oksapmin Ok?-A Study of the Genetic Relationship between Oksapmin and the Ok Languages', Australian Journal of Linguistics, 31: 1, 1-42.

• Ross, Malcolm (2005). "Pronouns as a preliminary diagnostic for grouping Papuan languages". Iti Andrew Pawley; Robert Attenborough; Robin Hide; Jack Golson (dagiti ed.). Papuan pasts: cultural, linguistic and biological histories of Papuan-speaking peoples. Canberra: Pacific Linguistics. pp. 15–66. ISBN 0858835622. OCLC 67292782.

Dagiti akinruar a silpo

• Online a Bibliograpia dagiti Rekurso ti Etnograpiko ti Asmat Naiyarkibo 2011-07-21 iti Wayback Machine