Nabato a Banbantay

Nabato a Banbantay
the Rockies (en), les Rocheuses (fr)
Danaw Moraine, ken ti Ginget ti Sangapulo a Panpantok, Nailian a Parke ti Banff, Alberta, Kanada
Kangatuan a punto
Pantok	Bantay Elbert (Estados Unidos)
Kangato	14,440 ft (4,400 m)
Nagsasabtan	39°07′03.90″N 106°26′43.29″W
Rukrukod
Kaatiddog	3,000 mi (4,800 km)
Heograpia
Pagpagilian	Kanada ken Estados Unidos
Dagiti estado/probinsia	Listaan Britaniko a Columbia Alberta Idaho Montana Wyoming Utah Colorado New Mexico
Nagsasabtan	43°44′28″N 110°48′09″WNagsasabtan: 43°44′28″N 110°48′09″W
Nagannak	Kordiliera ti Amianan nga Amerika
Heolohia
Tawen ti bato	Precambrian ken Cretaceous
Kita ti bato	Igneo, Sedimentario ken Metamorpiko

Ti Nabato a Banbantay (Ingles: Rocky Mountains wenno the Rockies) ket ti kangrunaan a kabambantayan idiay lumaud nga Amianan nga Amerika. Ti Nabato a Banbantay ket gumay-ay ti adadu ngem 3,000 milia (4,830 km) manipud ti akin-amiananan a paset ti Britaniko a Columbia, idiay lumaud a Kanada, aginggana idiay New Mexico, idiay abagatan a laud ti Estados Unidos. Iti kaunegan ti Kabambantayan ti Amianan nga Amerika, ti Nabato a Banbantay ket kasla naisangsangayan manipud ti Kabambantayan ti Aplaya a Pasipiko ken ti Sariap a Kabambantayan ken ti Sierra Nevada nga amin dagitoy ket adadayo a naisanglad iti laud.

Ti Nabato a Banbantay ket naporma manipud idi 80 a riwriw aginggan idi 55 a riwriw a tawtawen babaen ti Laramide orohenesis. Manipud idin, ti nuruno babaen ti danum ken dagiti glasier ket nakitikit ti kabambantayan kadagiti dramatiko a ginget ken panpantok. Iti kagibusan ti kinaudi a panawen ti yelo, ti tattao ket nagrugrugida a tinataengan dagiti kabambantayan. Kalpasan dagiti Europeano, a kas ni Apo Alexander MacKenzie ken ti Lewis ken Clark ekspedision, ket nagrugrugida a nagsuksukimat ti kabambantayan, dagiti minerales ken dagiti dudot ket nagpaandar ti immuna nga ekonomiko a panasuksukimat kadagiti banbantay, urayno dagiti kabanbantayan ket saanda napusek a natataengan.

Iti agdama, kaaduan ti kabambantayan ket nasalakniban babaen kadagti parke ken kabakiran a dagdaga, ken daytoy ket nadayeg a papanan dagiti turista, a naipangpangruna ti panagpagpagna, panagkampo, panagkalkalay-ay ti bantay, panagkalap, panaganup, panagbisikleta ti bantay, panag-iski, ken snowboard.

Dagiti nagibasaran

Adu pay a mabasbasa

• Baron, Jill (2002). Langlanga ti Nabato a Banbantay: ti ekolohiko a perspektibo. Island Press. ISBN 1-55963-953-9.
• Newby, Rick (2004). Rehion ti Nabato a Banbantay. Greenwood Press. ISBN 0-313-32817-X.

Dagiti akinruar a silpo

Dagiti midia a mainaig iti Nabato a Banbantay iti Wikimedia Commons

• Heolohikoa Panagsukimat ti Estados Unidos idiay Nabato a Banbantay Naiyarkibo 2013-12-07 iti Wayback Machine