Charles Baehni

Charles Baehni
Nayanak	(1906-08-21)Agosto 21, 1906 Hinebra
Natay	Enero 23, 1964(1964-01-23) (tawen 57)
Pakipagilian	Suiso
Sientipiko a pagsapulan
Dagiti pagobraan	Botanika

Ni Charles Baehni (Agosto 21, 1906 – Enero 23, 1964) ket maysa idi a Suiso a botaniko a nakaaramid kadagiti nangruna a kontribusion iti sientipiko a pannakaammo iti pagobraan a botanika.[1]

Biograpia

Ni Propesor Charles Baehni ket nayanak idi Agosto 21, 1906 iti Hinebra, Suisa. Isu ket nagadal idiay Unibersidad ti Hinebra, ken inmatonan idi babaen ni Propesor Robert Chodat nga idi 1932 ket nagungunaan iti grado ti Doktor ti Siensia. Iti isu met laeng a tawen, naidutok isuna a kas maysa a katakunaynay iti Konserbatorio ken Botanikal a Hardin ti Siudad ti Hinebra. Idi 1934, nagadal isu idiay Botanical Garden of the Field Museum iti Chicago, ken bayat nga adda idiay Estados Unidos, nagbanbanniaga isuna kadagiti nadumaduma a parte ti pagilian ken nagurnong kadagiti adu a sukimat a maipapan iti botanika.[2]

Idi 1941, naidutok isuna a kas konserbator iti Botanikal a Hardin ti Hinebra. Isu ke nagserbi a kas Direktor iti Konserbatorio ken Botanikal a Hardin, iti Hinebra Suisa para kadagiti duapulo a tawen.[3] Isu ket nagsurat kadagiti ad-adu ngem sangagasut a sientipiko a papel ken ti kangrunaan a kinaykayatna ket ti Sapotaceae. Nagkontribusion pay isuna kadagiti bilang dagiti sabali a botanikal a pamilia a mairaman ti Ulmaceae, Lacistemaceae, ken Violaceae.[2]

Dagiti nagibasaran

1. "Charles Baehni, 1906–1964 – JSTOR", JSTOR, Sep., 1964. Naala idi 19 Hunio 2014.
2. "Prof. Charles Baehni", Nature Journal, Abril, 1964. Naala idi 20 Hunio 2014.
3. "Le Professeur Charles BAEHNI (1907–1964) | BHL-Europe" Naiyarkibo 2015-05-28 iti Wayback Machine, BHL-Europe, Ene., 1964. Naala idi 19 Hunio 2014.
4. IPNI.  Baehni.