Bantay Dulang-dulang

Bantay Dulang‑dulang
(Mt. D2), Mt Katanglad
Buya ti Bantay Dulang-dulang manipud iti pantok ti Bantay Kitanglad
Kangatuan a punto
Kangato	2,941 m (9,649 ft) [1][Nota 1]
Kalatak	2,440 m (8,010 ft) [8]
Listaan	Ultra
Nagsasabtan	08°06′55″N 124°55′15″ENagsasabtan: 08°06′55″N 124°55′15″E
Heograpia
Bantay Dulang‑dulang Lokasion iti kaunegan ti Filipinas
Lokasion	Mindanao, Filipinas
Nagannak	Kabambantayan ti Kitanglad
Panagsang-at
Dalan (kalakaan)	Bol-ogan Trail, Sitio Bol-ogan, Baranggay Songco, Lantapan, Bukidnon

Ti Bantay Dulang-dulang, makunkuna pay a kas "D2" dagiti agkalkalay-at a Filipino, ket ti kangatuan ti elebasion a pantok iti Kabambantayan ti Kitanglad, manirukan iti tengnga a parte ti probinsia ti Bukidnon iti isla ti Mindanao. Daytoy ti maikadua a katayagan a bantay iti Filipinas iti 2,941 metro (9,649 ft) iti ngato ti pantar ti baybay, maikadua laeng iti Bantay Apo iti Davao iti 2,956 m (9,698 ft) ken nataytayag bassit ngem ti Bantay Pulag iti Luzon, ti maikatlo a katayagan iti 2,922 m (9,587 ft).[1]

Naikedkeddeng a kas sagrado a kugar babaen ti tribu ti Talaandig iti Lantapan.

Heograpia

Buya manipud iti pantok ti Bantay Dulang-dulang

Ti Bantay Dulang-dulang, no maipada met kadagiti sabali a pantok a mabirukan iti Kabambantayan ti Kitanglad, ket naabongan kadagiti nasamek a bakir ken ayan dagiti nadumaduma a karuay ti fauna ken flora. Daytoy ket pagtaengan dagiti 58 a sebbangan ti mamalia a mairaman dagiti kurarapnit, dagiti squirrel, sunggo, alingo, agtaytayab a lemur, sangio, ken ugsa.[1] Makita pay ti agila ti Filipinas iti kaunegan ti kaarrubayan ti bantay.

Kitaen pay

• Listaan dagiti bulkan ti Filipinas

Dagiti nota

1. Adda dagiti nadumaduma a taudan a mangibaga ti elebasion, prominensia ken pakaammo iti ranggp ti pagilian iti sabali pay a pantok a maipada iti datos ti Bantay Dulang-dulang. Dagitoy a taudan ket ilistada ti maysa a bantay nga agnagan iti "Bnatay Katanglad" (nailetra iti "Ka" imbes nga iti "Ki" iti kadawayn a pannakailetra ti Bantay Kitanglad) nga agraman iti maysa nga elebasion iti 2,941 m[2] ken prominensia iti 2,440 m.[3][4] Dagiti sabali pay a taudan a naipategan a kas nasayaat para iti daytoy a pakaammo ket mangited iti elebasion ti Bantay Kitanglad (nga addaan iti "i") a kas 2,899 m.[5][6][7] Dagiti naala a pakaaammo manipud kadagitoy a taudan ket mangipaltiing a ti pakaammo ti elebasion ken prominensia ti Peaklist ken Peakbagger ket kamali para iti Bantay Katanglad (nga addaan iti "a"), ken mabalin a mangibaga iti asideg a Dulang-dulang. Gapu iti pannakaduktal iti daytoy a biddut, Peakbagger (ti sitio a nagkamali kadagiti nagallilawan a pagbaetan ti dagiti dua apantok) itan ket addaan iti napasingkedan a panid para iti "Bantay Dulang-dulang",[8] a mangpasingked iti pakaammo dita ngato para iti pantok. Iti pay maipatinayon, adda payen metten ti Peakbagger iti maysa panid para iti "Bantay Kitanglad" (nga agraman iti husto a pannakailetra iti "i" ken ti nasimpa a datos ti elebasion)[9] a nagipalawag iti kamali, ngem ti panid ti Kitanglad ket saan nga aglaon iti maysa a disclaimer a mangibaga a ti pakaammona ket agdama a saan a napasingkedan

Dagiti nagibasaran

1. "Mount Dulang-dulang". Pinoy Mountaineer. Naiyarkibo manipud iti kasisigud idi 2014-01-14. Naala idi 2010-12-19.
2. "Mount Katanglad". peakery.com. Naiyarkibo manipud iti kasisigud idi 2011-11-23. Naala idi 2012-03-13.
3. "Mount Katanglad, Philippines". Peakbagger.com. Naala idi 2012-03-13.
4. "PHILIPPINES MOUNTAINS : 29 Mountain Summits with Prominence of 1,500 meters or greater". peaklist.org. Naala idi 2012-03-13.
5. "Mt. Kitanglad (2,899+)" PinoyMountaineer.com. Naala idi 2012-03-11.
6. A. Townsend Peterson; Thomas Brooks; Anita Gamauf; Juan Carlos T. Gonzalez; Neil Aldrin D. Mallari; Guy Dutson; Sarah E. Bush; Dale H. Clayton & Renato Fernandez (2008). "The Avifauna of Mt. Kitanglad, Bukidnon Province, Mindanao, Philippines" (PDF). Fieldiana Zoology. Field Museum of Natural History (114): 1–43 [2]. Naiyarkibo manipud iti kasisigud (PDF) idi 2009-09-02. Naala idi 2019-01-31.
7. Agnes C. Rola, Antonio T. Sumbalan & Vellorimo J. Suminguit (2004). Realities of the Watershed Management Approach: The Manupali Watershed Experience (PDF). Discussion Paper Series No. 2004–23. Philippine Institute for Development Studies. p. 4 (note 6). Naiyarkibo manipud iti kasisigud (PDF) idi 2020-07-09. Naala idi 2019-01-31.
8. "Mount Dulang-dulang, Philippines" Peakagger.com. Naala idi 2014-04-25.
9. "Mount Kitanglad". Peakbagger.com. Naala idi 2015-12-29.

Dagiti akiruar a silpo

Dagiti midia a mainaig iti Bantay Dulang-dulang iti Wikimedia Commons

• "Mount Dulang-dulang – Climbing, Hiking & Mountaineering" on Mountain-Forecast
• Birdwatching on Mt Dulang-dulang