Akin-abagatan a Tagalog

Akin-abagatan a Tagalog Timog Katagalugan
Dati a Rehion ti Filipinas
1965–2002
Lokasion iti kaunegan ti Filipinas
Kapitolio	Siudad ti Quezon (rehional a sentro)
Populasion
• 2000[1]	11,793,655
Pakasaritaan
Pakasaritaan
• Nabangon	Enero 1, 1965
• Nawaswas ti pannakabangon	Mayo 17, 2002
Dagiti politikal a subdibision	11 a probinsia iti panawen ti pannagibingay Aurora Batangas Cavite Laguna Marinduque Occidental Mindoro Oriental Mindoro Palawan Quezon Rizal Romblon
Simmaruno CALABARZON MIMAROPA
Paset itan ti	Tengnga a Luzon Calabarzon Mimaropa

Ti Akin-abagatan a Tagalog, naikeddeng a kas Rehion IV, (Filipino: Timog Katagalugan) ket maysa idi a administratibo a rehion idiay Filipinas a nangbukel kadagiti agdama a rehion ti Calabarzon ken Mimaropa, ken maipatinayon ti Aurora ti Tengnga a Luzon.

Daytoy ket nabingbingay kadagiti dua a rehion idi Mayo 17, 2002.[2]

Pakasaritaan

Sakbay a pakasaritaan

Ti Akin-abagatan a Tagalog ket su idi ti kadakkelan a rehion iti Filipinas kadagiti termino ti kalawa ken populasion. Ti Senso ti Populasion ken Sangkabalayan idi 2000 ket nangipakpakita nga addaan ti rehion iti dagup iti 11,793,655 a tattao, a nangbukel iti 15.42 a porsiento ti 76.5 a riwriw a populasion ti pagilian iti dayta a panawen.[1][3]

Naikeddeng idi ti Siudad ti Quezon a kas ti rehional a sentro ti Akin-abagatan a Tagalog.[4]

Ti dati a rehion ket sinakupna ti pagtaengan a lugar nga ayan dagiti adu nga agsasao iti Tagalog; dagiti dua a kaaduan ti agsasao iti Tagalog a rehion ket ti Nailian a Kapitolio a Rehion ken Tengnga a Luzon.

Dagiti 11 probinsia a historikal nga adda iti Rehion IV

Probinsia	Agdama a rehion
Aurora	Tengnga a Luzon
Batangas	Calabarzon
Cavite	Calabarzon
Laguna	Calabarzon
Marinduque	Mimaropa
Occidental Mindoro	Mimaropa
Oriental Mindoro	Mimaropa
Palawan	Mimaropa
Quezon	Calabarzon
Rizal	Calabarzon
Romblon	Mimaropa

Panagbingbingay

Nabingbingay idi ti Rehion IV iti Calabarzon ken Mimaropa babaen ti Bilin ehekutibo Blng. 103, idi Mayo 17, 2002, babaen ni Presidente Gloria Macapagal-Arroyo. Iti pay maipatinayon, ti probinsia ti Aurora ket naiyakar idi iti Rehion III (Tengnga a Luzon).[2]

Pannakaiyakar ti Palawan

Naiyakar idi ti Palawan iti Rehion VI (Akinlaud a Visayas) idi Mayo 23, 2005 baaen ti Bilin Ehekutibo 429.[5] Nupay kasta, dinillaw dagiti nagtataeng idiay Palawan ti panangiyakar nga indakamatda iti kaawan iti konsultasion ti publiko. Kaaduan dagiti agtataeng iti Puerto Princesa ken amin malaksid iti maysa kadagiti ili ti probinsia ket kinaykayatda ti agyan iti Mimaropa.

Iti kanungpalan, naipablaak ti Bilin Administratibo Blng. 129 idi Agosto 19, 2005 tapno mabanagan daytoy ken nakaituronga ti pannakasuspende ti Bilin Ehekutibo 429, ken nagpasarding ti pannakaaprobar ti pannakaisayangkat ti plano para iti naurnos a pannakaiyakar ti Palawan manipud iti Mimaropa iti Rehion VI. Iti agdama, ti Palawan ket naikeddeng pay laeng a kas parte ti Mimaropa.[6]

Dagiti ladawan

• 
  Pakaimatangan iti tangatang ti Siudad ti Quezon, ti rehional a sentro
• 
  Ti ilelennek ti init idiay Antipolo Ortigas, naala idiay Antipolo, Pasig
• 
  Panorama ti Siudad ti Cavite, idiayMetro Manila
• 
  Sentral a distrito ti negosio iti Siudad ti Lucena
• 
  Panorama ti Calapan
• 
  Ti lugar a pagsangladan iti Uneg ti Daga a Karayan idiay Puerto Princesa

Dagiti nagibasaran

1. "Southern Tagalog: Biggest Region in the Philippines". Philippine Statistics Authority – National Statistics Office. National Statistics Office. Enero 2, 2003. Naiyarkibo manipud iti kasisigud idi 2017-12-08. Naala idi Nobiembre 1, 2014.
2. "Executive Order No. 103: Dividing Region IV into Region IV-A and Region IV-B, Transferring the Province of Aurora to Region III and for Other Purposes". Philippine Statistics Authority – National Statistical Coordination Board. Naiyarkibo manipud iti kasisigud idi 2016-05-18. Naala idi Nobiembre 1, 2014.
3. World Geography Affected by World Upheavals. Goodwill Trading Co., Inc. p. 95. ISBN 9715740413.
4. "Map of the Philippines". Philippine Country Guide. Naala idi Nobiembre 1, 2014.
5. "Executive Order No. 429: Providing for the Reorganization of Administrative Region VI to Include the Province of Palawan and Puerto Princesa City". Philippine Statistics Authority – National Statistical Coordination Board. Naala idi Nobiembre 1, 2014.
6. "Administrative Order no. 129" Naiyarkibo 2006-02-19 iti Wayback Machine. National Statistical Coordination Board. Naala idi 2011-03-22.