Sashi Mahendra Singh

Fiji ke Hindustani Leader

Politician (1929-1971)

Politician (1972-1987)

Politician (1992-1998)

Politician (1999-2006)

Politician (2014 - )

Human Rights Activist

Khilaarri, Referee, Manager

Junior Farzan Ali | Zulfikar Joy Ali |  Alvin Avinesh | Basdeo | Dinesh Chand |  Subhash Chand (boxer) | Yogendra Dutt | Navneeda K. Goundar | Roy Krishna | Manoj Kumar | Ronil Kumar | Salesh Kumar | John Icha Lal | Shaheed Mohammed | Rajnesh Prakash | Calvin Prasad | Radhika Prasad | Jack Ram | Zibraaz Sahib | Kishan Sami | Mohammed Shameem | Alvin Singh | Billy Singh | Bobby Singh | Gurjit Singh | Priya Singh | Avinesh Swamy | Augustine Thoman | Sashi Mahendra Singh | Vijay Singh (Golfer) | Ben Volavola

Sashi Mahendra Singh
S. M. Singh
Janam	1920 Ba, Fiji
Maut	1990 Ba, Fiji
Citizenship	Fiji Citizen
Duusra naam	S. M. Singh
Jaati	Hindustani
Citizen	Fiji Citizen
Kaam	Businessman
Kaam ke saal	1939 - 1990
Home town	Ba
Jaana jaawe hae	Ba aur Fiji National Football team ke coach
Board ke member	Ba Township Board: 1965-1968
Dharam	Hindu
Mai/Baap	Father: Chattur Singh

Sashi Mahendra Singh (1920 - 1990), (jiske S. M. Singh ke naam se bhi jaana jaat rahaa), Fiji ke Ba district me ek businessman aur Ba town ke mayor rahaa lekin Fiji bhar ke log uske Ba Soccer Team aur Fiji National Team ke coach se jaane hae. Uu Ba aur Fiji team ke khilaarri aur ek referee bhi rahaa. Football ke alawa uu Hockey, Cricket, Tennis, Athletics, Boxing aur Rugby me bhi aapan yogdaan diis rahaa. Aapan politician, pitaji, Chattur Singh, ke sujhao pe Fiji ke kuchh Hindustani me se ek rahaa jon ki Second World War me army me bharti hoe gais rahaa. Iske baad uu aapan business suruu karis jisme auctioning aur motar ke spare parts ke business rahaa. Uu Ba Township Board ke Chairman bhi rahaa.

Jawani ke din

SIngh ke janam Ba me 1920 me bhais rahaa. Uske pitaji, Chattur Singh ek dhani kisan, businessman aur poitician rahaa. Primary school parrhe ke baad uu Ba ke ek wakiil, Rice and Company me office boy ke kaam kare lagaa lekin kuchh din baad uu ek law clerk ban gais. Second World War me uu Fiji ke khali kuch Hindustani me se ek rahaa jon ke army me bharti bhais rahaa.

Football

Singh, Ba Soccer Team aur Fiji Team khatir 1939 se 1954 talak soccer khelis. 1955 se 1969 talak uu Fiji Football Association ke Vice President rahaa. 1960 se 1976 talak uu National Coach rahaa aur 1963 me pahila South Pacific Games me bhi uu coach rahaa jab Fiji Silver medal jitis rahaa. Uu bahit din talak inter-district competition me referee bhi rahaa.

1968 se 1988 talak, Singh, Oceania Football Confederation ke Treasurer rahaa. Late 1980s me uske Taiwan Soccer team ke bhi Coach aur Manager banawa gais rahaa jab uu Fiji me Australia aur Taiwan ke biich me World Cup Game organise karis rahaa. Iske khatir uske Taiwan ke government gold medal dis.

Singh, National League competition suruu karis aur 1st aur 2nd Division Inter District Soccer Tournament me laais. Uu round-robin format bhi suruu karis rahaa.

Singh ke Fiji me khel kuud ke yogdaan, jaada kar ke football me, khatir 2005 me Fiji Association of Sports and National Olympic Committee FIJI OLYMPIC ORDER diis.[1]

Singh ke dui larrka logan bhi Ba aur Fiji team me soccer khelin hae. Uske ek larrka, Sashi Gyanesh (Bobby) Singh, Ba aur Fiji Soccer team ke coach bhi rahaa.

Duusra khel me

Football ke alawa, Singh duusra sport me bhi aapan yogdaan diis rahaa. Is me se kuchh hae:

• Hockey - Foundation Member (1940) and President, Ba Hockey Association; Foundation Member and Selector of Fiji Hockey Association.
• Cricket - Player (1938) and Captain for Ba scoring over a century on two occasions; Player for North-Western District against MCC Team; Secretary Ba Cricket Assn, Vice President Fiji Cricket Assn; President Ba Cricket (1970) and Patron up until his death in 1990.
• Tennis - Keen player having won Junior Championship of Fiji Indian LTA of which he became a Vice President.
• Athletics - keen athlete who was a Foundation Member of the Ba Athletic Association and became Secretary of the Association.
• Boxing & Wrestling - 8 years assistance as Ring Side referee of both Associations
• Rugby - Patron of Ba Rugby Association.

Businessman

Singh 1950s me aapn motar ke spare parts ke business suruu karis rahaa, jiske ke naam Ba Motor Parts rahaa, aur iske barrhae ke Suva, Nadi aur Lautoka me bhi branches kholis. Fiji me pahila Japanese motar import kare waala company bhi Ba Motor Parts rahaa.

Politics

Singh, samaj sewa me bhi bahut yogdaan diis hae. Uu Ba Ratepayers Association ke suruu karis rahaa aur 8 saal talak uske President bhi rahaa. Uu Ba Town and Country Planning Board ke ek member rahaa aur ek term talak Ba Township Board ke Chairman bhi rahaa. Uu sarkar se Ba Town Council ke member ke elect kare ke dabao daalis, lekin jab election bhais tab uu haar gais aur fir politics me hissa nai liis.[2]

Aur dekho

• Fiji me football

References

1. "2005 Sashi Mahendra Singh - Football (soccer)". Archived from the original on 2008-09-15. Retrieved 2008-10-12.
2. National Farmers Union, Girmit Divas - Commemorating 125 years of the arrival of Girmityas in Fiji, page 25