hif 1966 ke election (Fiji)

1966 ke election, Fiji khatir pahila election rahaa jisme Fiji ke sab log jiske umar 21 saal se uppar rahaa, ke vote kare ke mauka mila. Ii pahila election rahaa jisme aurat logan vote karin rahaa. Ii indepence se pahile ke aakhri general election rahaa.

Voting System

1965 London constitutional conference ke baad Fiji ke Legislative Council ke barrhae ke 36 member waala kar dewa gais rahaa , jisme se 14 seats Kaiviti (jisme Kaiviti, Rotumans aur Duusra Pacific Islanders bhi lewa gais rahaa), 12 seats Hindustani aur 10 seats General voters (jisme Gora, Kailoma, Chinese, Part-Chinese aur koi jon ki pahile dui category me nai rahaa) khatir reserve karaa gais rahaa.

Ii election khatir dui rakam ke seat rahaa - communal aur cross-voting. Communal constituencies me ek voter khaali aapan jaat ke candidate ke vote kare sakat rahaa. Puura milae ke 25 communal seats rahaa - nau Kaiviti, nau Hindustani aur saat General Electors ke khatir.

Tiin cross-voting constituencies rahaa jisme se tiino jaat ke ek member ke chuna jaawat rahaa. Ii constituency me sab voter logan ek Kaiviti, ek Hindustani aur ek General member ke vote karat rahin. Iske matlab ii rahaa ki elk voter ke leage chaar vote rahaa.

Council ke dui member ke Great Council of Chiefs nominate karat rahin.

Political Party

Ii election me khaas party rahin Alliance Party, jiske jaada kar ke Kaiviti logan ke support rahaa, General Electors ke bhi support rahaa aur kuchh Hindustani jon ki Federation Party ke virodi rahin, aur jaada kar ke Hindustani ke support karaa jaawe waala National Federation Party (NFP).

Election result

South-West Viti Levu Indian Communal Constituency

A. D. Patel (Federation)	7,601
Ayodhya Prasad (Alliance)	4,205
% voted	91.5%

West Viti Levu Indian Communal Constituency

S. M. Koya (Federation)	6,318
Jaswant Singh (Independent)	2,240
% voted	89.9%

North-West Viti Levu Indian Communal Constituency

R. D. Patel (Federation)	4,704
James Shankar Singh (Alliance)	4,411
% voted	94.7%

North-East Viti Levu Indian Communal Constituency

C. A. Shah (Federation)	3,799
Vishnu Deo (Alliance)	1,955
V. P. Vajpai (Independent)	770
% voted	92.6%

Tailevu-Rewa Indian Communal Constituency

K. C. Ramrakha (Federation)	3,220
K. B. Singh (Independent)	677
Ram Lochan Regan (Independent)	604
% voted	80.0%

South-Central Viti Levu Indian Communal Constituency

M. T. Khan (Federation)	4,380
R. I. Kapadia (Independent)	1,650
B. D. Lakshman (Independent)	24
% voted	90.0%

Suva Indian Communal Constituency

Irene J. Narayan (Federation)	5,676
Andrew Deoki (Independent)	2,779
% voted	90.6%

North-East Vanua Levu Indian Communal Constituency

James Madhavan (Federation)	5,049
Gaya Prasad (Independent)	2,494
% voted	87.0%

North Eastern Indian Communal Constituency

Ramjati Singh (Federation)	2,328
Harish Chandra Kohli (Independent)	1,238
% voted	81.0%

Alliance Party 34 me se 22 seat jiitis. Election ke baad tiin independent aur dui Council of Chiefs ke nominees bhi Alliance ke join kar liin aur ii rakam se Alliance ke 27 seat hoe gais. Federation Party khali nau Indian Communal Constituencies ke jiitis.

Election ke baad, Alliance ke leader, Ratu Mara ke Chief Minister banae dewa gais aur A.D. patel ke Leader of the Opposition.

References

Fiji Royale Gazette, XCIII: 64 (25 November 1966), pp. 455-73

1966 ke election (Fiji)