Skopun

Skopun
Skopen (danskt)
Bygd
Skopunar havn.
Land	Føroyar
Sýsla	Sandoya sýsla
Oyggj	Sandoy
Kommuna	Skopunar kommuna
Íbúgvar	446 (2015)[1]
Postnummur	FO-240
Markatal	-

Skopun.

Skopun er niðursetubygd á norðurendanum á Sandoynni; hon var grundað 1. apríl 1833. Nú er Skopun næststørsta bygd í oynni. Ferjusambandið er gott millum Streymoynna og Sandoynna, Teistin siglur nógvar túrar dagliga millum Gomlurætt og Skopun. Føroya Løgting samtykti í 2014, at farast skuldi undir at gera ein undirsjóvartunnil millum Sandoynna og Streymoynna (Sandoyartunnilin) í seinasta lagi í 2018. Eftir ætlan skal tað vera koyrandi millum oyggjarnar í 2021.[2]

Streymurin er harður í Skopunarfirði.

Søga

Skopun er yngsta bygd í Sandoynni. Hon er niðurseturbygd og varð grundað í 1833. Har eru 2 kongsbøndur og nógvar traðir. Ein minnisvarði er reistur teim sjólátnu í Skopun norðalaga í bygdini. Í Skopun er lívfiskastøð, ið ger kynsbótararbeiði, sum tryggjar alibrúkunum runt um í landinum frískan og góðan fisk.

Skopun eigur eitt bygdahús, Samljóð, sum varð liðugt bygt í 1991. Húsið er vælegnað til samkomur, fundir, veitslur o.a. Húsið verður eisini leigað út til bólkar, ið kunnu gista har nakrar nætur. Húsið hevur góðar umstøður til menningartarnaði. Ungmannafelagið Samljóð eigur húsið.

Havnarlagið

Tann fyrsta havnin varð bygd í 1924-25 og var liðug í 1926.

Áhugaverd støð

• Kirkjan, vígd 1897.
• Minnisvarði teirra sjólátnu.

Keldur

1. Hagstova.fo
2. "nordlysid.fo, Fráboðan um politiska semju um Eysturoyar- og Sandoyartunnil". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2016-03-05. https://web.archive.org/web/20160305031503/http://www.nordlysid.fo/frabodan+um+politiska+semju+um+eysturoyar+og+sandoyartunnil.html. Heintað 2014-05-09. 

• Skopunar Havn. Í: Mondul nr. 3/1981.

Slóðir úteftir

• Skopun.fo Archived 2011-01-09 at the Wayback Machine.