| Ainsi l'aut' jour eun' pauv' dintellière,
In amiclotant sin p'tit garchon
Qui, d'puis tros quarts d'heure, n'faijot que d'braire,
Tachot d'l'indormir par eun' canchon.
Ell' li dijot : « min Narcisse,
D'main t'aras du pain d'épice,
Du chuc à gogo,
Si t'es sache et qu'te fais dodo. »
- R'frain -
Et si te m'laiche faire eun' bonn' semaine,
J'irai dégager tin biau sarrau,
Tin patalon d'drap, tin giliet d'laine...
Comme un p'tit milord te s'ras farau !
J't'acaterai, l'jour de l'ducasse,
Un porichinell' cocasse,
Un turlututu,
Pour juer l'air du Capiau-Pointu.
- R'frain -
Nous irons dins l'cour Jeannette-à-Vaques,
Vir les marionnett's. Comm' te riras,
Quand t'intindras dire : « Un doup' pou Jacques ! »
Pa' l'porichinell' qui parl' magas !...
Te li mettras dins s'menotte,
Au lieu d'doupe, un rond d'carotte !
I t'dira : « Merci ! »
Pins' comm' nous arons du plaisi !
- R'frain -
Et si par hasard sin maîte s'fâche,
Ch'est alors Narciss' que nous rirons !
Sans n'n avoir invi', j'prindrai m'n air mache,
J'li dirai sin nom et ses sournoms,
J'li dirai des fariboles,
I m'in répondra des drôles,
Infin, un chacun
Verra deux pestac' au lieu d'un...
- R'frain -
Allons serr' tes yeux, dors min bonhomme,
J'vas dire eun' prière à P'tit-Hésus,
Pour qu'i vienne ichi pindant tin somme,
T'fai' rêver qu'j'ai les mains plein's d'écus,
Pour qu'i t'apporte eun' coquille,
Avec su chirop qui guile
Tout l'long d'tin minton...
Te pourléqu'ras tros heur's de long !
- R'frain -
L'mos qui vient, d'Saint-Nicolas ch'est l'fiête,
Pour sûr, au soir, i viendra t'trouver.
I t'f'ra un sermon, et t'l'aich'ra mette
In d'zous du balot, un grand painnier.
I l'rimplira, si t'es sache,
D'séquois qui t'rindront bénache,
Sans cha, sin baudet
T'invoira un grand martinet.
- R'frain -
Ni les marionnettes, ni l'pain n'épice
N'ont produit d'effet. Mais l'martinet
A vit' rappajé l'petit Narcisse,
Qui craingnot d'vir arriver l'baudet.
Il a dit s'canchon-dormoire.
S'mèr' l'a mis dins s'n ochennoire,
A r'pris sin coussin,
Et répété vingt fos che r'frain :
Dors min p'tit Quinquin,
Min p'tit pouchin,
Min gros rojin;
Te m'f'ras du chagrin,
Si te n'dors point j'qu'à d'main.
|
The other day a poor lacemaker
While clothing her little son
Who had been crying for three quarters of an hour
Did her best to put him to sleep with a song
She said to him: "my Narcisse,
Tomorrow you'll have gingerbread
Plenty of sugar
If you behave and fall asleep
-chorus-
And if you let me have a good week
I'll go and get your nice smock
Your trousers and wool jacket
You'll be pompous as a lord!
I'll buy, on festival day
A fun punch puppet
A flute
To play the Pointy-Hat tune
-chorus-
We'll go to the Jeanette-à-Vaques
To see the puppets. You'll laugh so much
When you'll hear " a coin for Jacques !"
Said by the clumsy-talking puppet
You'll put in his hand
Not a coin, but a chunk of carrot!
He'll thank you!
Think of how much fun we'll have!
-chorus-
And if it so happens his master gets angry
Then, Narcisse, we'll laugh!
Not meaning it, I'll look angry
I'll tell it his name and nicknames
I'll tell him nonsense
And so will he
This way, everyone
Will get to see not one, but two shows...
-chorus-
So close your eyes, fall asleep my boy,
I'll say a prayer to baby Jesus,
So he'll come as you sleep,
To make you dream my hands are overflowing with coins
So he'll bring you a piece of cake,
With syrup flowing,
Down your chin...
-chorus-
Next month will be Saint Nicholas day,
For sure, he'll come see you one evening,
To say a sermon, and let you place,
A big basket under the fireplace
Which he'll fill, if you behave,
With things that make you joyful
Otherwise, his donkey,
Will bring you a big whip
-chorus-
Neither plain bread, nor ginger bread,
Had any effect. But the whip,
Swiftly calmed little Narcisse down
Who feared the coming of the donkey,
He said his lullaby,
His mother put him in his cradle,
Took his pillow,
And repeated 20 times over,
Sleep my little child
My little chick,
My plump grape,
You will cause me grief
If you don't sleep until tomorrow
|
