cy Owen Thomas (cofiannydd)

Owen Thomas
Owen Thomas
	Owen Thomas (tua 1875)
Ganwyd	16 Rhagfyr 1812 ; Caergybi
Bu farw	2 Awst 1891
Dinasyddiaeth	Teyrnas Unedig Prydain Fawr ac Iwerddon, Cymru
Alma mater	Prifysgol Caeredin ;
Galwedigaeth	gweinidog yr Efengyl, awdur

Gweler hefyd Owen Thomas (tudalen wahaniaethu).

Llenor Cymraeg a phregethwr oedd Owen Thomas (16 Rhagfyr 1812 – 2 Awst 1891), a gofir yn bennaf fel cofiannydd John Jones, Talysarn. Roedd yn frawd i'r pregethwr a llenor John Thomas, awdur nofel Gymraeg gynnar.^[1]

Bywgraffiad

Ganed Owen Thomas yng Nghaergybi, Ynys Môn, yn 1812. Dechreuodd ar ei yrfa yn gweithio fel saer-maen yn lleol. Yn 1834 dechreuodd bregethu gyda'r Methodistiaid Calfinaidd ar adeg pan oedd John Elias yn dal yn ddylanwadol iawn ym Môn a gweddill gogledd Cymru. Ar ôl derbyn addysg yng Ngholeg Diwinyddol y Bala ac ym Mhrifysgol Caeredin daeth yn un o bregethwyr amlycaf ei ddydd a hynny mewn cyfnod pan oedd pregethwyr Cymraeg yn ffigyrau mawr yn y gymdeithas.^[1]

Llenyddiaeth

Diolch i gefnogaeth Dr Lewis Edwards o'r Bala, daeth yn gyd-olygydd Y Traethodydd a chyfrannodd sawl erthygl i'r cylchgrawn hwnnw. Fe'i cofir yn bennaf fel cofiannydd, yn enwedig am ei waith mwyaf, sef Cofiant John Jones, Talysarn a gyhoeddwyd yn 1874. Ysgrifennodd hefyd gofiant i Henry Rees.^[1]

Llyfryddiaeth

Gwaith Owen Thomas

Cofiant y Parchedig John Jones, Talsarn (Wrecsam, 1874)
Cofiant Henry Rees (1890)

Astudiaethau

Iolo Carnarvon, Cofiant Owen Thomas (1912)
D. Ben Rees, Pregethwr y Bobl (1979)

Cyfeiriadau

↑ ^1.0 ^1.1 ^1.2 Meic Stephens (gol.), Cydymaith i Lenyddiaeth Cymru (Gwasg Prifysgol Cymru).

[Cydymaith-1] 1.0 ^1.1 ^1.2 Meic Stephens (gol.), Cydymaith i Lenyddiaeth Cymru (Gwasg Prifysgol Cymru).

[1]