Niki Lauda

Niki Lauda
Ganwyd	Andreas Nikolaus Lauda  22 Chwefror 1949  Fienna
Bu farw	20 Mai 2019  Zürich
Dinasyddiaeth	Awstria
Galwedigaeth	gyrrwr Fformiwla Un, hedfanwr, entrepreneur, cyfarwyddwr chwareon
Cyflogwr	Lauda Air Mercedes F1 Team
Tad	Ernst-Peter Lauda
Mam	Elisabeth Lauda
Priod	Marlene Knaus, Birgit Wetzinger
Plant	Mathias Lauda, Lukas Lauda, Christoph Lauda, Mia Lauda, Max Lauda
Gwobr/au	Addurniad Aur Mawr Styria, BBC World Sport Star of the Year
Chwaraeon
Tîm/au	March Engineering, British Racing Motors, Scuderia Ferrari, Brabham, McLaren
Gwlad chwaraeon	Awstria

Niki Lauda ym ymarfer ar y Nürburgring yn ystod Grand Prix yr Almaen, 1976.

Gŵr busnes a gyrrwr rasio Fformiwla Un o Awstria oedd Andreas Nikolaus "Niki" Lauda (22 Chwefror 1949 – 20 Mai 2019). Enillodd bencampwriaeth y byd dair gwaith, yn 1975, 1977 a 1984.

Gyrfa

Ganed ef yn Fienna i deulu cefnog oedd yn hanu o Galicia. Daeth yn yrrwr Fformiwla 2 i dîm March yn 1971, ac yn yrrwr Fformiwla Un yn fuan wedyn. Ymunodd â thîm Ferrari yn 1974; enillodd ei ras Fformiwla Un gyntaf, Grand Prix Sbaen, yr un flwyddyn.

Yn ystod Grand Prix yr Almaen, 1976, cafodd ddamwain ddifrifol iawn. Aeth ei gar ar dân, a methodd Lauda ddod allan ohono. Llosgwyd ef mor ddifrifol nes i offeiriad roi'r sacrament olaf iddo, ond roedd yn rasio eto ymhen chwech wythnos. Enillodd ei fuddugoliaeth gyntaf ar ôl dychwelyd yn Grand Prix De Affrica 1977, y ras lle lladdwyd y Cymro Tom Pryce.

Wedi ymddeol fel gyrrwr, dechreuodd gwmni awyrennau Lauda Air.

Cyfeiriadau