Hugh Reveley

Hugh Reveley
Ganwyd	15 Gorffennaf 1772  Camberwell
Bu farw	9 Tachwedd 1851
Man preswyl	Dolgellau
Galwedigaeth	tirfeddiannwr

Plasdy newydd Bryn y Gwin

Roedd Hugh Reveley (15 Gorffennaf 1772 - 9 Tachwedd 1851) yn was sifil Seisnig a thirfeddiannwr yn Sir Feirionnydd.

Ganwyd Reveley yn Camberwell, Surrey[1] yn fab i Hugh Reveley, casglwr trethi, a 'i wraig, Jane, merch Phillip Champion de Crespingny.

Cafodd ei addysgu yn Eglwys Crist, Rhydychen gan ymuno a'r coleg ym 1791 a graddio fel Baglor y Gyfraith Cyffredin ym 1799.[2]

Hen blasdy Bryn y Gwin

Bu'n gweithio fel ysgrifennydd Syr John Mitford, Llefarydd Tŷ'r Cyffredin a phan dyrchafwyd Mitford i Dŷ'r Arglwyddi fel y Barwn Redesdale a changhellor yr Iwerddon gwasanaethodd Reveley fel ceidwad ei bwrs (trysorydd / cyfrifydd y Canghellor) [3]

Ym 1803 priododd Jane unig ferch ac etifedd Robert Hartley Owen, Bryn y Gwin, Dolgellau a thrwy hynny daeth yn berchennog y plasty a'i ystâd o 66 cyfer. Bu iddynt fab, Hugh John Reveley, a merch Jane Frances. Yn fuan wedi'r briodas cychwynnwyd ar y gwaith o adeiladu plasty newydd Bryn y Gwin.[4]

Gwasanaethodd fel Ynad heddwch ar fainc Meirionnydd, fel dirprwy raglaw'r sir ac fel Uchel Siryf Sir Feirionnydd ym 1811.

Bu farw ym Mryn y Gwin yn 80 mlwydd oed [5] a chladdwyd ei weddillion ym mynwent Eglwys St Mair Dolgellau [6]

Cyfeiriadau

1. Yr Archif Genedlaethol Cyfrifiad Dolgellau 1851 HO107/2511 Ffolio 295 tud 13
2. https://en.wikisource.org/wiki/Page:Alumni_Oxoniensis_(1715-1886)_volume_3.djvu/424
3. A Genealogical and Heraldic History of the Commoners of Great Britain and Ireland, Enjoying Territorial Possessions Or High Official Rank: But Univested with Heritable Honours, Volume 3 John Burke 1836)
4. Listed Buildings, Bryn y Gwin Isaf
5. "Family Notices - The North Wales Chronicle and Advertiser for the Principality". Kenmuir Whitworth Douglas. 1851-11-20. Cyrchwyd 2016-06-22.
6. Cymdeithas Hanes Teuluoedd Meirionnydd, Adysgrifau Cerrig Coffa mynwent Eglwys Santes Fair Dolgellau rhif 639