Cyngor Konstanz

Cyngor Konstanz

Enghraifft o:	synod
Dechreuwyd	5 Tachwedd 1414
Daeth i ben	22 Ebrill 1418
Rhagflaenwyd gan	Cyngor Vienne
Olynwyd gan	Cyngor Fflorens
Lleoliad	Neuadd Cyngor Konstanz
Yn cynnwys	Conclaf 1417
Gwladwriaeth	yr Almaen
Ffeiliau perthnasol ar Gomin Wicimedia

Cyngor Eciwmenaidd yr Eglwys Gatholig Rufeinig a gynhaliwyd rhwng 1414 a 1418 oedd Cyngor Konstanz (Lladin: Concilium Constantiense). Cyfarfu'r cyngor ar gais yr Ymerawdwr Sigismund yn esgobaeth-tywysogaeth Konstanz yn yr Ymerodraeth Lân Rufeinig, sy'n rhan o'r Almaen heddiw.

Daeth y cyngor â'r Sgism Orllewinol i ben. Cafodd ymddiswyddiad y Pab Grigor XII a diorseddodd y ddau ymgeisydd arall; etholwyd y Pab Martin V yn eu lle.

Ymhlith ei weithredoedd cyntaf oedd barnu Jan Hus yn euog o heresi ac yna ei ddienyddio (1415).

Gwnaeth ddyfarniadau ar faterion yn ymwneud â sofraniaeth genedlaethol, hawliau paganiaid a rhyfel cyfiawn, mewn ymateb i wrthdaro rhwng Uchel Ddugiaeth Lithwania, Teyrnas Gwlad Pwyl ac Urdd y Marchogion Tiwtonaidd.

Bu'r cyngor hefyd yn trafod materion yn ymwneud â llywodraethu'r Eglwys a goruchafiaeth y Pab.