Anfield

Anfield

Math	stadiwm bêl-droed
Enwyd ar ôl	Enfield
Agoriad swyddogol	1885
Sefydlwyd	1884
Daearyddiaeth
Lleoliad	Lerpwl
Sir	Anfield, Dinas Lerpwl
Gwlad	Lloegr
Cyfesurynnau	53.4308°N 2.9608°W
Rheolir gan	C.P.D. Lerpwl
Perchnogaeth	Fenway Sports Group
Ffeiliau perthnasol ar Comin

Stadiwm pêl-droed yw Anfield, a leolir yn yr ardal o'r un enw yn Lerpwl, Lloegr. Mae'r stadiwm yn seddi i gyd ers addasu'r Spion Kop yn 1994. Adeiladwyd y stadiwm ym 1884 a dyma oedd cartref gwreiddiol tîm pêl-droed Everton. Chwaraeodd y clwb ar y safle tan 1892, pan adawsant ar ôl anghydfod ynglŷn â'r rhent. Ers hynny, ma'r stadiwm wedi bod yn gartref i dîm pêl-droed Lerpwl, a ffurfiwyd o ganlyniad i Everton yn gadael Anfield.

Mae'r stadiwm yn cyrraedd lefel 4-seren Undeb Cymdeithasau Pêl-droed Ewropeaidd, ac mae nifer o gêmau rhyngwladol ar lefel uchel wedi eu cynnal yno, gan gynnwys gêmau Lloegr. Defnyddiwyd y safle hefyd yn ystod Ewro 96 ac fe chwaraeodd Cymru rhai o'u gemau cartref yno ar ddiwedd y 1990au tra roedd Stadiwm y Mileniwm yn cael ei gwblhau.

Yn bellach yn ôl yn hanes y stadiwm, defnyddiwyd Anfield ar gyfer gweithgareddau eraill, megis paffio a gêmau tenis.

Panorama Anfield, 2012, o'r Anfield Road Stand; chwith: Centenary Stand, canol: Kop Stand; de: Main Stand