You've Got Mail (títol orichinal en anglés, en aragonés Tiens un correu nuevo, enguerada en Aragón con o suyo títol traduciu enta lo castellano como Tienes un e-mail) ye una cinta de cine de comedia romantica de l'anyo 1998 de cine estausunidense dirichida por Nora Ephron seguntes un guión adaptau por Nora Ephron y Delia Ephron basau en o guión adaptau por Samson Raphaelson ta la cinta The Shop Around the Corner (1940, Ernst Lubitsch) basau a la vegada en Illatszertár, un guión de Miklós László; a cinta ye en realidat un remake d'a debandita cinta d'Ernst Lubitsch. A banda sonora orichinal d'a cinta ye un treballo de George Fenton, estando lo suyo director de fotografía John Lindley y los suyos productors Lauren Shuler Donner y Nora Ephron ta la productora cinematografica Lauren Shuler Donner Productions. Forman l'elenco d'actors d'a cinta, en os suyos papels principals, Tom Hanks, Meg Ryan, Parker Posey, Jean Stapleton, Dave Chappelle, Steve Zahn, Greg Kinnear, Dabney Coleman, Heather Burns, John Randolph, Deborah Rush y Hallee Hirsh.
En You've Got Mail se conta cómo Joe Fox, un cabalero fillo d'un propietario d'una cadena de grans librerías d'a cual en ye lo chestor conoix a traviés d'o correu electronico a Kathleen Kelly, que ye la propietaria d'una chicota librería especializada en literatura infantil; a traviés d'o correu poquet a poquet fan conoixencia sin saber que en a vida real son dos presonas alcontradas en tener dos visions bien diferents d'o mundo d'as librerías. A cinta s'ambienta en a suya epoca actual (1998) en a ciudat de Nueva York y las suyas escenas se rodoron en cuantas localizacions d'ixa mesma ciudat y en Nueva Jersey.[2] Antiparte, se tracta d'una cinta con cuantos premios y nominacions, en destacando la nominación a lo Premio Globo d'Oro a la Millor Actriz de Musical u Comedia en a 56ena edición d'os Premios Globos d'Oro.
Se veiga tamién
Referencias
Vinclos externos
