The Shop Around the Corner (títol orichinal en anglés, en aragonés A botiga d'en chirar en a cantonada, enguerada en Aragón con o títol en castellano d'El bazar de las sorpresas, en aragonés O bazar de las sorpresas) ye una cinta de cine estausunidense de cine de comedia romantica de l'anyo 1940 dirichida por Ernst Lubitsch seguntes un guión adaptau por Samson Raphaelson y Ben Hecht (iste zaguero, no acreditau) basau en Parfumerie/Illatszertár, obra teatral de Miklós László de 1937, con una banda sonora orichinal de Werner R. Heymann, una dirección de fotografía de William H. Daniels, una producción cinematografica d'o mesmo Ernst Lubitsch y un elenco d'actors composau, en os papels principals d'a cinta, por Margaret Sullavan, James Stewart, Frank Morgan, Joseph Schildkraut, Sara Haden, Felix Bressart, William Tracy, Inez Courtney, Charles Halton, Charles Smith, Sarah Edwards y Edwin Maxwell.
Alfred Kralik treballa en Budapest, en Hongría, en una botiga propiedat d'o sinyor Matuschek, a on tamién i treballa Klara Novak, con qui Alfred no tien buena relación. Alfred ha contactau a traviés d'anuncios en prensa con una mesacha a qui encara no conoix, perocasualment descubre que ixa misteriosa mesacha no ye atra que Klara, la suya companyera de treballo, y Alfred decide enamorar-la no pas a traviés de mensaches en o diario, so que en persona. A cinta s'ambienta en a suya epoca actual (1940) en a ciudat de Budapest en Hongría, y las escenas de The Shop Around the Corner se filmoron en os Metro-Goldwyn-Mayer Studios en Culver City en California.[2] Encara que la cinta ha recibiu bels premios u distincions, garra d'istos premios se troba entre los premios mas destacaus.
Se veiga tamién
Referencias
Vinclos externos
.jpg)
